മുസ്ലിം ലീഗ് സംസ്ഥാന ജനറല് സെക്രട്ടറിയും മുന് എം.എല്.എയുമായ കെ.എം.ഷാജിക്കെതിരായ അപകീര്ത്തി കേസ് ഹൈക്കോടതി റദ്ദാക്കി. പി.ജയരാജന്റെ പരാതിയിലെടുത്ത കേസാണ് റദ്ദാക്കിയത്. തന്റെ പരാമര്ശങ്ങള് പൊതുതാല്പര്യം മുന് നിര്ത്തിയുള്ളതാണെന്ന് ചൂണ്ടിക്കാട്ടി ഷാജി സമര്പ്പിച്ച ഹര്ജി അനുവദിച്ചാണ് ഹൈക്കോടതിയുടെ ഉത്തരവ്. കണ്ണൂര് മജിസ്ട്രേറ്റ് കോടതിയിലെ നടപടികളാണ് ഹൈക്കോടതി റദ്ദാക്കിയത്.
നിസാര വകുപ്പുകള് ചുമത്തി പ്രതികളെ സംരക്ഷിച്ചാല് ഇത്തരം സംഭവങ്ങള് ആവര്ത്തിക്കുമെന്നും പൊലീസ് ഗൗരവത്തോടെ കേസെടുക്കണമെന്നുമുള്ള കെ.എം. ഷാജിയുടെ പ്രസ്താവന മാനഹാനിയുണ്ടാക്കിയെന്നാണ് പി. ജയരാജന്റെ പരാതി. എന്നാല്, ഒരു എം.എല്.എ എന്ന നിലയില് നിയമവാഴ്ച ഉറപ്പാക്കാനുള്ള പരാമര്ശം തെറ്റല്ലെന്ന് കോടതി വ്യക്തമാക്കുകയായിരുന്നു.
അരിയില് ഷുക്കൂര് വധ കേസുമായി ബന്ധപ്പെട്ട് നിസാര വകുപ്പുകള് ചുമത്തിയതിനെതിരെ നടത്തിയ പരാമര്ശം അപകീര്ത്തികരമാണന്നായിരുന്നു കേസ്. 2013ല് ഷുക്കൂര് വധക്കേസുമായി ബന്ധപ്പെട്ട് പി ജയരാജനെതിരെ നിസാര വകുപ്പ് ചുമത്തിയതിനെതിരെ കെ.എം. ഷാജി നടത്തിയ പ്രസ്താവനക്കെതിരെയാണ് പി ജയരാജന് അപകീര്ത്തി കേസ് നല്കിയത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
