കൊച്ചി : ഹേമ കമ്മിറ്റി റിപ്പോര്ട്ട് അടുത്ത ദിവസം പുറത്ത് വിടാനിരിക്കെ ഹൈക്കോടതിയില് ഹര്ജിയുമായി നടി രഞ്ജിനി. പുറത്തുവിടുന്ന റിപ്പോര്ട്ടില് സ്വകാര്യതാ ലംഘനമില്ലെന്ന് ഉറപ്പാക്കണമെന്നാവശ്യപ്പെട്ടാണ് നടി കോടതിയെ സമീപിച്ചത്. മൊഴി നല്കിയവര്ക്ക് പകര്പ്പ് ലഭ്യമാക്കി അവരെ കൂടി ബോധ്യപ്പെടുത്തിയാകണം റിപ്പോര്ട്ട് പുറത്തു വിടേണ്ടതെന്നും ഹര്ജിയില് ചൂണ്ടിക്കാട്ടുന്നു. നടിയുടെ ഹര്ജി ഹൈക്കോടതി തിങ്കളാഴ്ച പരിഗണിക്കും.
ഹേമ കമ്മിറ്റിയെ സ്വാഗതം ചെയ്യുകയാണ്. എന്നാല് ഉത്തരവാദിത്തം ഇല്ലാതെ റിപ്പോര്ട്ട് പുറത്ത് വിടരുത്. റിപ്പോര്ട്ടില് മൊഴി നല്കിയവരുടെ സ്വകാര്യത ലംഘനമില്ലെന്ന് ഉറപ്പാക്കണം. മൊഴി നല്കിയവര്ക്ക് പകര്പ്പ് ലഭ്യമാക്കി അവരെ കൂടി ബോധ്യപ്പെടുത്തിയാകണം റിപ്പോര്ട്ട് പുറത്തു വിടേണ്ടതെന്നും രഞ്ജിനി ചൂണ്ടിക്കാട്ടി.
വിവാദങ്ങള്ക്കും വിമര്ശനങ്ങള്ക്കുമിടെയാണ് സിനിമാ മേഖലയിലെ സ്ത്രീകളുടെ പ്രശ്നങ്ങള് പഠിച്ച ജസ്റ്റിസ് ഹേമ കമ്മിറ്റി റിപ്പോര്ട്ട് പ്രസിദ്ധപ്പെടുത്താന് സര്ക്കാര് തീരുമാനിച്ചത്. കോടതിയിടപെടലിന്റെ അടിസ്ഥാനത്തിലാണ് തീരുമാനം. സ്വകാര്യതയെ ബാധിക്കുന്ന ഭാഗങ്ങള് ഒഴിവാക്കിയാകും പ്രസിദ്ധീകരിക്കുക. നിര്മാതാവ് സജിമോന് പാറയില്റിപ്പോര്ട്ട് പുറത്തുവിടരുതെന്നാവശ്യപ്പെട്ട് നല്കിയ ഹര്ജി നേരത്തെ കോടതി തളളിയിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
