ബെംഗളൂരു: 19-ാമത് ഐ.പി.എൽ ക്രിക്കറ്റിന് ശനിയാഴ്ച ബെംഗളൂരുവിൽ തുടക്കം. ചിന്നസ്വാമി സ്റ്റേഡിയത്തിൽ നടക്കുന്ന ഐപിഎല് പത്തൊമ്പതാം സീസണിലെ ഉദ്ഘാടന മത്സരത്തില് സണ്റൈസേഴ്സ് ഹൈദരാബാദിനെതിരെ ടോസ് നേടിയ റോയൽ ചലഞ്ചേഴ്സ് ബെംഗളൂരു ഫീല്ഡിംഗ് തെരഞ്ഞെടുത്തു. പ്ലേയിംഗ് ഇലവനില് പുതുമുഖങ്ങളുമായാണ് ആര്സിബിയും ഹൈദരാബാദും ഇന്നിറങ്ങുന്നത്. ഓസീസ് ഓപ്പണര് ട്രാവിസ് ഹെഡും ഇന്ത്യയുടെ വെടിക്കെട്ട് ഓപ്പണറായ അഭിഷേക് ശര്മയും ഓപ്പണ് ചെയ്യുന്ന ഹൈദരാബാദ് ടീമില് ഹര്ഷ് ദുബെ, സലീല് അറോറ എന്നീ പുതുമുഖങ്ങളുമുണ്ട്.
ആര്സിബി ടീമില് അഭിനന്ദന് സിംഗാണ് പുതുമുഖം. ഓസീസ് പേസര് ജോഷ് ഹേസല്വുഡ് മത്സരത്തിന് മുമ്പ് പന്തെറിഞ്ഞെങ്കിലും പ്ലേയിംഗ് ഇലവനില് ഇടം നേടിയിട്ടില്ല. ജേക്കബ് ഡഫിയും ഭുവനേശ്വര് കുമാറും ആണ് ആര്സിബിയുടെ പേസ് നിരയെ നയിക്കുന്നത്. വിരാട് കോലിയും ഫിൽ സാള്ട്ടുമാണ് ആര്സിബി ഓപ്പണര്മാര്. ഇംഗ്ലണ്ട് താരം ജേക്കബ് ബെഥേല് പ്ലേയിംഗ് ഇലവനിലില്ല.
റോയൽ ചലഞ്ചേഴ്സ് ബംഗളൂരു പ്ലേയിംഗ് ഇലവന്: വിരാട് കോലി, ഫിലിപ്പ് സാൾട്ട്, രജത് പാട്ടിദാർ (ക്യാപ്റ്റൻ), ജിതേഷ് ശർമ്മ (വിക്കറ്റ് കീപ്പർ), ടിം ഡേവിഡ്, റൊമാരിയോ ഷെപ്പേർഡ്, ക്രുണാൽ പാണ്ഡ്യ, ഭുവനേശ്വർ കുമാർ, അഭിനന്ദൻ സിംഗ്, ജേക്കബ് ഡഫി, സുയാഷ് ശർമ്മ.
സൺറൈസേഴ്സ് ഹൈദരാബാദ് പ്ലേയിംഗ് ഇലവന്: അഭിഷേക് ശർമ്മ, ട്രാവിസ് ഹെഡ്, ഇഷാൻ കിഷൻ (ക്യാപ്റ്റൻ/വിക്കറ്റ് കീപ്പർ), ഹെൻറിച്ച് ക്ലാസൻ, അനികേത് വർമ്മ, നിതീഷ് കുമാർ റെഡ്ഡി, സലീൽ അറോറ, ഹർഷ് ദുബെ, ഹർഷൽ പട്ടേൽ, ജയദേവ് ഉനദ്കട്ട്, ഇഷാൻ മലിംഗ.
രണ്ടുമാസത്തിലേറെ നീളുന്ന ടൂർണമെന്റിന്റെ ഫൈനൽ മെയ് 31-ന് ബെംഗളൂരുവിൽത്തന്നെയാണ്. ആകെ 10 ടീമുകൾ അണിനിരക്കും. ടൂർണമെന്റിൽ ആകെ 74 മത്സരങ്ങളുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
