HIGHLIGHTS : Tamil film actor Daniel Balaji (48) passed away
ചെന്നൈ: തമിഴ് സിനിമാ നടന് ഡാനിയല് ബാലാജി (48) അന്തരിച്ചു. ഹൃദയാഘാതത്തെ തുടര്ന്ന് വെള്ളിയാഴ്ച രാത്രിയായിരുന്നു അന്ത്യം. നെഞ്ചുവേദനയെ തുുടര്ന്ന് ചെന്നൈ കൊട്ടിവാകത്തെ ആശുപത്രിയില് പ്രവേശിപ്പിച്ചെങ്കിലും മരണപ്പെടുകയായിരുന്നു. സംസ്കാര ചടങ്ങുകള് ശനിയാഴ്ച അദ്ദേഹത്തിന്റെ വസതിയില് നടക്കും.
1975ല് ജനിച്ച ടി.സി ബാലാജി എന്ന ഡാനിയല് ബാലാജി നിരവധി തമിഴ് ചിത്രങ്ങളില് ശ്രദ്ധേയമായ വേഷങ്ങള് കൈകാര്യം ചെയ്തിട്ടുണ്ട്. മലയാളം, തെലുങ്ക്, കന്നട ചലച്ചിത്രങ്ങളിലും അഭിനയിച്ചിട്ടുള്ള അദ്ദേഹം കമല് ഹാസന്റെ റിലീസ് ചെയ്യാത്ത ചിത്രമായ മരുതനായകത്തില് യൂണിറ്റ് പ്രൊഡക്ഷന് മാനേജറായാണ് സിനിമാ രംഗത്തേക്ക് കടന്നുവന്നത്. പിന്നീട് ഒരു തമിഴ് ടെലിവിഷന് സീരിയലിലൂടെ അഭിനയ രംഗത്തെത്തി. വേട്ടയാട് വിളയാട് (2006), വട ചെന്നൈ (2018), മായവന് (2017) തുടങ്ങിയ ചിത്രങ്ങളില് ശ്രദ്ധേയമായ വേഷങ്ങളിലെത്തി. ബ്ലാക്ക് എന്ന ചിത്രത്തിലാണ് മലയാള സിനിമയില് ആദ്യമായി അഭിനയിച്ചത്. പിന്നീട് മോഹന്ലാല് നായകനായ ഭഗവാന്, മമ്മൂട്ടി നായകനായ ഡാഡി കൂള് എന്നീ ചിത്രങ്ങളിലും അഭിനയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു