HIGHLIGHTS : ചെന്നൈ : പ്രശസ്ത തമിഴ്‌നടന്‍ ദണ്ഡപാണി (71) അന്തരിച്ചു. ഹൃദയാഘാതത്തെ തുടര്‍ന്ന് ഞായറാഴ്ച രാവിലെ ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. 20...
ചെന്നൈ : പ്രശസ്ത തമിഴ്‌നടന്‍ ദണ്ഡപാണി (71) അന്തരിച്ചു. ഹൃദയാഘാതത്തെ തുടര്‍ന്ന് ഞായറാഴ്ച രാവിലെ ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. 2004 ല്‍ പുറത്തിറങ്ങിയ കാതല്‍ എന്ന തമിഴ് ചിത്രത്തിലൂടെയാണ് വെള്ളിത്തിരയിലെത്തിയത്. ഈ ചിത്രം ഹീറ്റായതോടെ കാതല്‍ ദണ്ഡപാണി എന്നാണ് അദ്ദേഹം പിന്നീട് അറിയപ്പെട്ടത്.
വില്ലന്‍ വേഷങ്ങളിലൂടെ ശ്രദ്ധേയനായ ദണ്ഡപാണി മമ്മൂട്ടി നായകനായ രാജമാണിക്യം, പോക്കിരിരാജ എന്നീ ചിത്രങ്ങളിലൂടെ മലയാളികള്‍ക്കും പരിചിതനാണ്. പുതിയ ചിത്രമായ ശണ്ടമാരുതരി എന്ന ചിത്രത്തിന്റെ ചിത്രീകരണം പുരോഗമിക്കുന്നതിനിടയിലാണ് മരണം സംഭവിച്ചത്.
തമിഴിന് പുറമെ തെലുങ്കിലും ദണ്ഡമാണിയുടെ വില്ലന്‍ വേഷങ്ങള്‍ ശ്രദ്ധിക്കപ്പെട്ടിരുന്നു. ഇംഗ്ലീഷ്‌കാരന്‍, സിത്തിരം പേശുതടി, മുനി, കൃഷ്ണ, വരുത്തപ്പാടാത വാലിഭര്‍ സംഘം തുടങ്ങിയ ചിത്രങ്ങളില്‍ അദ്ദേഹം തന്റെ അഭിനയ പാടവം തെളിയിച്ചിരുന്നു.
