ന്യൂഡല്ഹി : ടി20 ലോകകപ്പ് കിരീടം നേടിയ ഇന്ത്യന് ടീമിന് കോടികള് പാരിതോഷികം പ്രഖ്യാപിച്ച് ബിസിസിഐ. 125 കോടി രൂപയാണ് പാരിതോഷികമായി നല്കുക. ബിസിസിഐ സെക്രട്ടറി ജയ് ഷാ എക്സിലൂടെയാണ് ഇക്കാര്യം അറിയിച്ചത്. കളിക്കാരും പരിശീലകരും മറ്റ് സപ്പോര്ട്ടിങ് സ്റ്റാഫുകളും ഉള്പ്പെടുന്ന ടീമിനാണ് പാരിതോഷികം പ്രഖ്യാപിച്ചിരിക്കുന്നത്.
ഇന്ത്യന് ടീം അതിഗംഭീര പ്രകടനമാണ് കാഴ്ചവെച്ചതെന്നും ജയ് ഷാ എക്സില് കുറിച്ചു. ഇന്ത്യന് ടീമിന്റെ രണ്ടാമത്തെ ടി20 ലോകകപ്പ് വിജയമാണ് ഇത്.ഐസിസി നേരത്തെ അവാര്ഡ് തുക പ്രഖ്യാപിച്ചിരുന്നു. 11.25 മില്യന് ഡോളറാണ് 2024 ടി20 ലോകകപ്പിലെ പാരിതോഷികം. ലോകകപ്പ് വിജയം നേടിയ ഇന്ത്യയ്ക്ക് 2.45 മില്യണ് ഡോളര് (20.42 കോടി രൂപ) ലഭിക്കും. സൗത്ത് ആഫ്രിക്കയ്ക്ക് 10.67 കോടിയും പാരിതോഷികമായി ലഭിക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
