തിരൂര്: വന്ദേഭാരത് ട്രെയിനിന് നേരെ കല്ലേറ്. തിരൂര് സ്റ്റേഷന് വിട്ട ട്രെയിന് തിരുന്നാവായ റെയില്വേ സ്റ്റേഷന് എത്തുന്നതിന് തൊട്ടുമുമ്പാണ് അജ്ഞാതരുടെ ആക്രമണമുണ്ടായത്. അപ്രതീക്ഷിത ആക്രമണത്തില് ട്രെയിനിന്റെ ചില്ലിന് വിള്ളലുണ്ടായെന്നായിരുന്നു പ്രാഥമിക വിവരം. എന്നാല് കാര്യമായ ഒന്നും പറ്റിയിട്ടില്ലെന്നും ചെറിയ പാട് മാത്രമാണുള്ളതെന്നും റെയില്വേ ഷൊര്ണൂരില് ട്രെയിനിന്റെ പ്രാഥമിക പരിശോധന നടത്തിയ ശേഷം അറിയിച്ചു.
സംഭവത്തില് അന്വേഷണം തുടങ്ങിയതായി തിരൂര് പൊലീസ് അറിയിച്ചു. അതേസമയം ആര്പിഎഎഫും കേസ് രജിസ്റ്റര് ചെയ്തിട്ടുണ്ട്. ലോക്കല് പൊലീസ് വിവരം കൈമാറിയതിന്റെ അടിസ്ഥാനത്തിലാണ് ആര്പിഎഫ് നടപടി.വന്ദേഭാരതിന് സുരക്ഷ കൂട്ടുമെന്നും റെയില്വേ അറിയിച്ചു.
കേരളത്തില് വന്ദേഭാരത് യാത്ര തുടങ്ങി ദിവസങ്ങള്ക്കകമാണ് ഇത്തരമൊരു സംഭവം റിപ്പോര്ട്ട് ചെയ്തിരിക്കുന്നത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
