HIGHLIGHTS : SSLC results to be announced before June 15: Education Minister
തിരുവനന്തപുരം: എസ്എസ്എല്സി പരീക്ഷാഫലം ജൂണ് 15 ന് മുമ്പ് പ്രഖ്യാപിക്കുമെന്ന് വിദ്യാഭ്യാസമന്ത്രി വി ശിവന്കുട്ടി. പ്ലസ്ടു കെമിസ്ട്രി ഉത്തര സൂചിക വിഷയത്തില് അധ്യാപകര് മൂല്യ നിര്ണ്ണയം ബഹിഷ്കരിച്ചത് മുന് കൂട്ടി അറിയിക്കാതെയാണ്. അധ്യാപകര്ക്കെതിരെ നടപടി വേണോ എന്ന കാര്യം പ്രിന്സിപ്പല് സെക്രട്ടറിയുടെ റിപ്പോര്ട്ട് വന്ന ശേഷം തീരുമാനിക്കുമെന്ന് മന്ത്രി അറിയിച്ചു.
വിദ്യാര്ത്ഥികളും രക്ഷിതാക്കളും ആശങ്കപ്പെടേണ്ടതില്ല. ശരിയുത്തരമെഴുതിയ എല്ലാവര്ക്കും മാര്ക്ക് ഉറപ്പാക്കും. എന്നാല് വാരിക്കോരി മാര്ക്ക് നല്കുന്നത് സര്ക്കാരിന്റെ നയമല്ലെന്നും മന്ത്രി വിശദീകരിച്ചു.
വിദ്യാര്ത്ഥികള്ക്കുള്ള സ്കൂള് യൂണിഫോം വിതരണം നാളെ നടക്കും. ജൂണ് ഒന്നിന് സ്കൂള് തുറക്കും മുന്പ് തന്നെ എല്ലാ വിദ്യാര്ത്ഥികള്ക്കും പാഠപുസ്തകം വിതരണം ചെയ്യുമെന്നും മന്ത്രി പറഞ്ഞു.