ബംഗളൂരു: ബംഗളൂരുവില് കനത്തമഴയില് മതില് ഇടിഞ്ഞ് വീണ് രണ്ട് മലയാളികള് ഉള്പ്പെടെ ഏഴുപേര്ക്ക് ദാരുണാന്ത്യം. കേരളത്തില് നിന്ന് വിനോദയാത്രയ്ക്ക് പോയ കുടുംബശ്രീ സംഘത്തിലെ രണ്ടു അംഗങ്ങള്ക്കാണ് ജീവന് നഷ്ടമായത്. എറണാകുളം രാമമംഗലം സ്വദേശികളായ ലത, സ്മിത എന്നിവരാണ് മരിച്ചത്. കേരളത്തില് നിന്നെത്തിയ 56 അംഗ സംഘത്തിലെ മൂന്ന് സ്ത്രീകള്ക്ക് പരിക്കേറ്റിട്ടുണ്ട്.
ഇന്നലെ വൈകീട്ട് അഞ്ചുമണിക്ക് ശിവാജി നഗറിലാണ് സംഭവം. ശിവാജിനഗര് ബൗറിങ് ആശുപത്രിയുടെ മതില് ഇടിഞ്ഞുവീണാണ് അപകടം. കനത്തമഴയില് എട്ടടി ഉയരമുള്ള മതിലാണ് ഇടിഞ്ഞുവീണത്. മതിലിന് താഴെ ഒരു ടാര്പോളിന് ഷീറ്റ് കെട്ടിയിരുന്നു. ഇതിന് താഴെ നിന്നിരുന്ന അഞ്ചു മലയാളികളാണ് അപകടത്തില്പ്പെട്ടത്.
ഉടന് തന്നെ ആശുപത്രിയില് എത്തിച്ചെങ്കിലും രണ്ടുപേരുടെ ജീവന് രക്ഷിക്കാന് സാധിച്ചില്ല. പരിക്കേറ്റ മൂന്ന് സ്ത്രീകള് തൊട്ടടുത്തുള്ള ആശുപത്രിയില് ചികിത്സയിലാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
