HIGHLIGHTS : Rima Kallingal's tree climbing film is a topic of discussion
റിമ കല്ലിങ്കലിന്റെ മരംകയറി ചിത്രം ചര്ച്ചയാകുന്നു. തന്റെ ഇന്സ്റ്റാഗ്രാം വഴി റിമ കല്ലിങ്കല് പങ്കുവെച്ച ചിത്രമാണ് ആരാധകര്ക്കിടയിലിപ്പോള് ശ്രദ്ധേയമായിരിക്കുന്നത്. ‘എനിക്ക് ലഭിച്ച ‘#മരംകേറി’ എന്ന തലക്കെട്ടിനെ ഈ സന്ദര്ഭത്തില് ഞാന് ശരിവെക്കുകയാണ്. ഈ വിദ്യാരംഭ ദിനത്തില്, എനിക്ക് തെങ്ങില് കയറാനുള്ള അടിസ്ഥാനങ്ങള് പഠിപ്പിച്ച അശോകന് ചേട്ടനോടാണ് ഞാന് നന്ദി പറയുന്നത്. ‘ എന്ന അടിക്കുറിപ്പോടെയാണ് ഏണിയില് കയറി ചക്ക വെട്ടുന്ന തന്റെ ഫോട്ടോ റിമ കല്ലിങ്കല് പങ്കു വെച്ചിരിക്കുന്നത്. ‘ബിരിയാണി’ക്ക് ശേഷം സജിന് ബാബു സംവിധാനം ചെയ്യുന്ന ‘തിയേറ്റര്: ദ് മിത്ത് ഓഫ് റിയാലിറ്റി’ എന്ന ചിത്രത്തിന്റെ ചിത്രീകരണത്തിനിടയിലെ ഒരു ഫോട്ടോയായാണ് റിമ ഈ വിധത്തില് പങ്കു വച്ചിരിക്കുന്നത്. തിയേറ്റര്: ദി മിത്ത് ഓഫ് റിയാലിറ്റി ഒക്ടോബര് 16 മുതല് തിയേറ്ററുകളില് പ്രദര്ശനം ആരംഭിക്കുന്നു. നിങ്ങളുടെ അടുത്ത തിയേറ്ററുകളിലെത്തുന്നു ‘ എന്നുകൂടി റിമ ഫോട്ടോയോടൊപ്പം നല്കുന്നുണ്ട്.
ചിത്രത്തിന്റെ പുതിയ സ്നീക് പീക്ക് വീഡിയോയും അണിയറ പ്രവര്ത്തകര് പുറത്തു വിട്ടു. റിമ കല്ലിങ്കലിന്റെ ഞെട്ടിക്കുന്ന പ്രകടനമാണ് ചിത്രത്തില് ഉള്ളതെന്ന് ട്രെയിലര് വഴി മുന്പേ തന്നെ പ്രേക്ഷകര് മനസ്സിലാക്കിയെങ്കിലും അതിനെ ശരി വെക്കുന്ന രീതിക്ക് തന്നെയാണ് വ്യത്യസ്തമായ തരത്തിലുള്ള ഈ മരംകയറി ഫോട്ടോയും ഇപ്പോള് സോഷ്യല്മീഡിയ വഴി പ്രചരിക്കുന്നത്. മലയാള സിനിമയില് ഇന്നേവരെ കണ്ടതില് വച്ച് ഏറ്റവും തീവ്രമായ ക്ലൈമാക്സ് ആയിരിക്കും ‘തിയേറ്റര്: ദ് മിത്ത് ഓഫ് റിയാലിറ്റി’യുടെത് എന്നാണ് ലഭിക്കുന്ന വിവരം. റിമ കല്ലിങ്കല് കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ആഗോള ചലച്ചിത്രമേള സര്ക്യൂട്ടുകളില് ഇതിനോടകം തന്നെ ശ്രദ്ധ നേടിക്കഴിഞ്ഞു. അഞ്ജന ടാക്കീസിന്റെ ബാനറില് അഞ്ജന ഫിലിപ്പ്, ഫിലിപ്പ് സക്കറിയ എന്നിവര് നിര്മിച്ച ചിത്രത്തിന്റെ സഹനിര്മാണം നിര്വഹിച്ചിരിക്കുന്നത് സന്തോഷ് കോട്ടായി ആണ്.
റിമ കല്ലിങ്കലും സരസ ബാലുശ്ശേരിയും പ്രധാന വേഷങ്ങളിലെത്തുന്ന ഈ ചിത്രത്തില് ഡൈന് ഡേവിസ്, പ്രമോദ് വെളിയനാട്, കൃഷ്ണന് ബാലകൃഷ്ണന്, മേഘ രാജന്, ആന് സലിം, ബാലാജി ശര്മ, ഡി. രഘൂത്തമന്, അഖില് കവലയൂര്, അപര്ണ സെന്, ലക്ഷ്മി പത്മ, മീന രാജന്, ആര് ജെ അഞ്ജലി, മീനാക്ഷി രവീന്ദ്രന്, അശ്വതി, അരുണ് സോള്, രതീഷ് രോഹിണി തുടങ്ങിവരാണ് മറ്റ് പ്രധാന താരങ്ങള്.
ഛായാഗ്രഹണം- ശ്യാമപ്രകാശ് എം എസ്, എഡിറ്റിംഗ്: അപ്പു ഭട്ടതിരി, സംഗീതം- സയീദ് അബ്ബാസ്, എക്സിക്യൂട്ടീവ് പ്രൊഡ്യൂസര്- അജിത് വിദ്യാസാഗര്, ലൈന് പ്രൊഡ്യൂസര്- സുബാഷ് എസ് ഉണ്ണി, കലാസംവിധാനം- സജി ജോസഫ്, പ്രൊഡക്ഷന് കണ്ട്രോളര്- സംഗീത് ചിക്കു, വസ്ത്രലങ്കാരം- ഗായത്രി കിഷോര്, മേക്കപ്പ്- സേതു ശിവദാനന്ദന് & ആഷ് അഷ്റഫ്, സ്ക്രിപ്റ്റ് അസിസ്റ്റന്റ് & ക്രീയേറ്റീവ് കോണ്ട്രിബൂഷന്- ശൈസ്ഥ ബാനു, കാസ്റ്റിംഗ് ഡയറക്റ്റര്- അരുണ് സോള്, കളറിസ്റ്റ്- ശ്രീധര് വി, ടൈറ്റില് ഡിസൈന്- ഷിബിന് കെ കെ, മാര്ക്കറ്റിംഗ് & പി ആര് ഒ- വിപിന് കുമാര്, വി എഫ് എക്സ്- 3 ഡോര്സ്, സംഘട്ടനം- അഷറഫ് ഗുരുക്കള്, സ്റ്റീല്സ്- ജിതേഷ് കടക്കല്.
