ദില്ലി:അപകീര്ത്തി കേസില് കോണ്ഗ്രസ് നേതാവ് രാഹുല് ഗാന്ധിക്ക് ആശ്വാസം. മോദി പരാമര്ശവുമായി ബന്ധപ്പെട്ട അപകീര്ത്തിക്കേസിലെ ശിക്ഷ സുപ്രീംകോടതി സ്റ്റേ ചെയ്തു.
ഇതോടെ എം പി സ്ഥാനത്തു നിന്നുള്ള രാഹുലിന്റെ അയോഗ്യത നീങ്ങും. സുപ്രീം കോടതിയുടെ ഇടക്കാല ഉത്തരവിലാണ് വിധി.
അഭിഭാഷകന് മനു അഭിഷേക് സിങ്വിയാണ് രാഹുല് ഗാന്ധിക്ക് വേണ്ടി ഹാജരായത്. മോദി സമുദായത്തെ അപമാനിച്ചിട്ടില്ലെന്ന് രാഹുല് വാദത്തില് ആവര്ത്തിച്ചിരുന്നു.
രാഹുലിന്റെ ഹര്ജി ജസ്റ്റിസ് ബി ആര് ഗവായി അധ്യക്ഷനായ ബെഞ്ചാണ് പരിഗണിച്ചത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
