കൊച്ചി:യൂത്ത് കോണ്ഗ്രസ് അധ്യക്ഷസ്ഥാനം രാഹുല് മാങ്കൂട്ടത്തില് രാജിവെച്ചു. നേതൃത്വം ആവശ്യപ്പെട്ടില്ല താന് സ്വമേധയാ ഉച്ചക്ക് 1.30ന് രാജിവെക്കുന്നുവെന്നും അദ്ദേഹം അറിയിച്ചു. ഇതുവരെ നേതൃത്വം രാജി ആവശ്യപ്പെട്ടിട്ടില്ല. ഹൈക്കമാന്ഡ് ഇതുവരെ രാജി ആവശ്യപ്പെട്ടില്ലെന്നും രാഹുല് മാധ്യമങ്ങളോട് പറഞ്ഞു.
ഇതുവരെയും തനിക്കെതിരെ ആരും പരാതിയുമായി മുന്നോട്ട് വന്നിട്ടില്ല. അത്തരത്തില് പരാതി വന്നാല് നീതിന്യായ സംവിധാനത്തില് നിരപരാധിത്വം തെളിയിക്കും എന്നും രാഹുല് മാങ്കൂട്ടത്തില് പറഞ്ഞു. രാജ്യത്തിന്റെ നിയമ സംവിധാനത്തിന് വിരുദ്ധമായി ഒരു പ്രവര്ത്തിയും ചെയ്തിട്ടില്ലെന്നും രാഹുല് മാങ്കൂട്ടത്തില് പറഞ്ഞു. കോണ്ഗ്രസ് പ്രവര്ത്തകരുടെ സമയത്തെ മാനിച്ച് 1.30ന് രാജിവെക്കുന്നു.
യുവനടി ഇതുവരെയും തന്റെ പേര് പറഞ്ഞിട്ടില്ല. പുറത്തുവന്ന വാര്ത്തകളില് പോലും നിയമവിരുദ്ധമായി ഒന്നും ചെയ്തിട്ടില്ല. തനിക്കെതിരെ ചമയ്ക്കപ്പെട്ട ഒരു പരാതി പോലുമില്ല. യുവ നടി തന്നെ പറ്റിയാണ് പറഞ്ഞതെന്ന് വിശ്വസിക്കുന്നില്ല. മാധ്യമങ്ങളാണ് എന്റെ പേര് പറഞ്ഞതെന്നും രാഹുല് മാങ്കൂട്ടത്തില് പ്രതികരിച്ചു.
