ഗുരുവായൂര് ദേവസ്വത്തിലെ വിവിധ തസ്തികകളായ സാനിറ്റേഷന് വര്ക്കര് (കാറ്റഗറി നമ്പര്: 03/2025), ഗാര്ഡനര് (04/2025), കൗ ബോയ് (05/2025), ലിഫ്റ്റ് ബോയ് (06/2025), റൂം ബോയ് (07/2025), ലാമ്പ് ക്ലീനര് (14/2025), കൃഷ്ണനാട്ടം സ്റ്റേജ് അസിസ്റ്റന്റ് (17/2025), കൃഷ്ണനാട്ടം കോസ്റ്റ്യൂം മേക്കര് (18/2025), ഓഫീസ് അറ്റന്ഡന്റ് (GDEMS) (30/2025), ഓഫീസ് അറ്റന്ഡന്റ് (GDEMS) (31/2025), സ്വീപ്പര് (GDEMS) (32/2025) എന്നിവയിലേക്ക് കേരള ദേവസ്വം റിക്രൂട്ട്മെന്റ് ബോര്ഡ് നടത്തുന്ന പൊതു ഒ.എം.ആര്. പരീക്ഷ ജൂലൈ 20-ന് ഉച്ചയ്ക്ക് 01:30 മുതല് 03:15 വരെ തിരുവനന്തപുരം, തൃശ്ശൂര് ജില്ലകളിലെ വിവിധ പരീക്ഷാ കേന്ദ്രങ്ങളില് നടക്കും. പരീക്ഷ എഴുതുന്നതിന് ഹാള് ടിക്കറ്റ് ലഭിച്ചിട്ടുള്ള 40 ശതമാനത്തിനു മുകളില് ഭിന്നശേഷിയുള്ള ഉദ്യോഗാര്ത്ഥികള്ക്ക് സ്ക്രൈബിന്റെ സേവനം ആവശ്യമാണെങ്കില്, അത് ജൂലൈ 14 വൈകുന്നേരം 5 മണിക്ക് മുമ്പായി kdrbtvm@gmail.com എന്ന ഇ-മെയില് വഴിയോ കേരള ദേവസ്വം റിക്രൂട്ട്മെന്റ് ബോര്ഡ് ഓഫീസില് നേരിട്ടോ അപേക്ഷ സമര്പ്പിക്കാവുന്നതാണ്. അപേക്ഷകര് ദേവജാലിക പ്രൊഫൈല് വഴി സമര്പ്പിച്ച അപേക്ഷയില് ഭിന്നശേഷി വിഭാഗത്തില്പ്പെട്ടയാളാണെന്ന് രേഖപ്പെടുത്തിയിട്ടുള്ളവരാകണം.
അപേക്ഷയോടൊപ്പം സമര്പ്പിച്ച ഫോം, പരീക്ഷയുടെ ഹാള് ടിക്കറ്റ്, മെഡിക്കല് ബോര്ഡ് നല്കുന്ന നിശ്ചിത മാതൃകയിലുള്ള ഡിസെബിലിറ്റി സര്ട്ടിഫിക്കറ്റ്, ബന്ധപ്പെട്ട സ്പെഷ്യാലിറ്റിയിലെ ഡോക്ടര് നല്കുന്ന ‘എഴുതുവാന് ബുദ്ധിമുട്ടുണ്ട്’ എന്ന് കാണിക്കുന്ന സര്ട്ടിഫിക്കറ്റ് എന്നിവയും സമര്പ്പിക്കേണ്ടതാണ്. ഈ രേഖകള് സഹിതം സമര്പ്പിക്കുന്ന അപേക്ഷകള് മാത്രമേ സ്ക്രൈബിനായി പരിഗണിക്കുകയുള്ളൂ. കൂടുതല് വിവരങ്ങള്ക്കായി കേരള ദേവസ്വം റിക്രൂട്ട്മെന്റ് ബോര്ഡിന്റെ ഔദ്യോഗിക വെബ്സൈറ്റ് www.kdrb.kerala.gov.in സന്ദര്ശിക്കാവുന്നതാണ്.
