HIGHLIGHTS : PT Usha's husband Srinivasan passes away
കോഴിക്കോട് : രാജ്യസഭാ എംപിയും ഇന്ത്യന് ഒളിംപിക്സ് അസോസിയേഷന് പ്രസിഡന്റുമായ പി ടി ഉഷയുടെ ഭര്ത്താവ് വി ശ്രീനിവാസന് (64) അന്തരിച്ചു. കോഴിക്കോട് പയ്യോളിയിലെ വീട്ടില് കുഴഞ്ഞുവീഴുകയായിരുന്നു.
രാത്രി 12.30ഓടെയാണ് മരണം സംഭവിച്ചത്. ദേഹാസ്വാസ്ഥ്യമുണ്ടായ ശ്രീനിവാസനെ സമീപത്തുള്ള സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവം നടക്കുമ്പോള് പി ടി ഉഷ സ്ഥലത്തില്ലായിരുന്നു. സംഭവമറിഞ്ഞ പി ടി ഉഷ ഡല്ഹിയില് നിന്ന് കേരളത്തിലേക്ക് തിരിച്ചിട്ടുണ്ട്.
കേന്ദ്ര വ്യവസായ സുരക്ഷാ സേനയില് നിന്ന് വിരമിച്ച ഉദ്യോഗസ്ഥനാണ് വി ശ്രീനിവാസന്. മുൻ ദേശീയ കബഡി താരമായിരുന്ന അദ്ദേഹം. 1991-ലാണ് ഇവർ വിവാഹിതരായത്.
പൊന്നാനി കുറ്റിക്കാട് വെങ്ങാലി തറവാട്ടിലെ നാരായണൻ – സരോജനി ദമ്പതികളുടെ മകനാണ് ശ്രീനിവാസൻ.സംസ്കാരം പയ്യോളിയിലെ വീട്ടുവളപ്പില് പിന്നീട് നടക്കും. മകന്: ഡോ ഉജ്ജ്വല് വിഗ്നേഷ്. മരുമകൾ കൃഷ്ണ.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
