HIGHLIGHTS : Promote electric vehicles; ban petrol and diesel vehicles in phases: Supreme Court
ദില്ലി : രാജ്യത്ത് അന്തരീക്ഷ മലിനീകരണം അതിരൂക്ഷമായിക്കൊണ്ടിരിക്കുന്ന സാഹചര്യത്തില്, പെട്രോള്, ഡീസല് ഇന്ധനങ്ങളില് ഓടുന്ന വാഹനങ്ങള് ഘട്ടംഘട്ടമായി നിര്ത്തലാക്കണമെന്ന് സുപ്രീം കോടതി. രാജ്യത്ത് ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കണമെന്ന് ആവശ്യപ്പെട്ട് സമര്പ്പിച്ച പൊതുതാല്പ്പര്യ ഹര്ജി പരിഗണിക്കുന്നതിനിടെയാണ് കോടതി ഈ പരാമര്ശം നടത്തിയത്.
ഇലക്ട്രിക് വാഹനങ്ങള് കൂടുതലായി ഉപയോഗിക്കേണ്ട സമയം അതിക്രമിച്ചുവെന്ന് കോടതി ചൂണ്ടിക്കാട്ടി. വലിയ ഇലക്ട്രിക് വാഹനങ്ങള് വിപണിയില് ലഭ്യമാണമെന്നും കോടതി.
ജസ്റ്റിസുമാരായ സൂര്യകാന്ത്, ജോയ്മല്യ ബാഗ്ചി എന്നിവരടങ്ങിയ ബെഞ്ചാണ് ഈ കേസ് പരിഗണിച്ചത്.
ഇലക്ട്രിക് വാഹനങ്ങളുടെ ഉപയോഗം വ്യാപകമാവുകയാണെങ്കില് ആവശ്യമായ ചാര്ജിങ് സ്റ്റേഷനുകള് താനേ സ്ഥാപിക്കപ്പെടുമെന്നും, മറ്റ് വാഹനങ്ങള്ക്ക് ക്രമേണ നിരോധനം ഏര്പ്പെടുത്തുകയാണ് വേണ്ടതെന്നും സുപ്രീം കോടതി അഭിപ്രായപ്പെട്ടു. ഇലക്ട്രിക് വാഹനങ്ങള് പ്രോത്സാഹിപ്പിക്കുന്നതിന് സര്ക്കാര് നയങ്ങള് നടപ്പിലാക്കണമെന്ന് ആവശ്യപ്പെട്ട് സെന്റര് ഫോര് പബ്ലിക് ഇന്ററസ്റ്റ് ലിറ്റിഗേഷന് ആണ് ഹര്ജി ഫയല് ചെയ്തത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
