HIGHLIGHTS : Plus One exam postponed in state; It will start on June 13
സംസ്ഥാനത്തെ പ്ലസ് വണ്‍ പരീക്ഷ മാറ്റിവച്ചു. പരീക്ഷ ജൂണ്‍ 13 മുതല്‍ 30 വരെ നടത്താന്‍ തീരുമാനിച്ചതായി വിദ്യാഭ്യാസ മന്ത്രി വി ശിവന്‍കുട്ടി അറിയിച്ചു. നേരത്തെ ജൂണ്‍ രണ്ട് മുതല്‍ നടത്തുമെന്നാണ് അറിയിച്ചിരുന്നത്. തിരുവനന്തപുരത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.
മോഡല്‍ പരീക്ഷ ജൂണ്‍ രണ്ട് മുതല്‍ ഏഴ് വരെ നടത്തും. രണ്ടാം വര്‍ഷ ഹയര്‍ സെക്കന്‍ഡറി ക്ലാസുകള്‍ പരീക്ഷ കഴിഞ്ഞ ഉടന്‍ ജൂലൈ ഒന്നിന് ആരംഭിക്കും.
സ്‌കൂളുകള്‍ ജൂണ്‍ ഒന്നിന് തന്നെ തുറക്കും. സംസ്ഥാനതല പ്രവേശനോത്സവം ഒന്നിന് തിരുവനന്തപുരത്ത് വച്ച് നടത്തും. ഒന്നാം ക്ലാസ് പ്രവേശനം ഈ മാസം 27 മുതല്‍ ആരംഭിക്കും. പാഠപുസ്തകങ്ങളുടെ അച്ചടി പൂര്‍ത്തിയായെന്നും, വിതരണത്തിന് തയ്യാറാണെന്നും മന്ത്രി അറിയിച്ചു.
9.88 ലക്ഷം വിദ്യാര്‍ത്ഥികള്‍ക്ക് സൗജന്യ യൂണിഫോം വിതരണം ചെയ്യുമെന്നും വി ശിവന്‍കുട്ടി പറഞ്ഞു.
