HIGHLIGHTS : Parappanangadi Municipality Level Entrance Ceremony was held at GHS Neduva
പരപ്പനങ്ങാടി: പരപ്പനങ്ങാടി മുന്സിപ്പാലിറ്റിതല പ്രവേശനോത്സവം ജി എച്ച് എസ് നെടുവയില് വെച്ച് നടക്കുകയുണ്ടായി. വൈസ് ചെയര്പേഴ്സണ് കെ ഷഹര്ബാനു ആധ്യക്ഷതവഹിച്ച ചടങ്ങില് വിദ്യാഭ്യാസ സ്റ്റാന്ഡിങ് കമ്മറ്റി ചെയര്മാന് എ ഉസ്മാന് ഉദ്ഘാടനം നിര്വഹിച്ചു.
ഈ വര്ഷത്തെ അക്കാദമിക മാസ്റ്റര് പ്ലാന് ഹെഡ് മിസ്ട്രെസ് അല്ഫോന്സാ കെ കെ അവതരിപ്പിച്ചു. ആരോഗ്യ സ്റ്റാന്ഡിങ് കമ്മറ്റി ചെയര്മാന് പി പി ഷാഹുല് ഹമീദ്, കൗണ്സിലര്മാരായ മഞ്ജുഷ പ്രലോഷ്, സി. ജയദേവന്, പി ഓ നസീമ, സുമിറാണി, പി ടി എ പ്രസിഡന്റ് മുരളീധരന് കെ സി, എസ് എം സി ചെയര്മാന് കൃഷ്ണന് കുട്ടി സി, തുടങ്ങിയവര് സംസാരിച്ചു.
സ്റ്റാഫ് സെക്രട്ടറി രഘുനാഥന് കൊളത്തൂര് നന്ദി രേഖപ്പെടുത്തി. തുടര്ന്ന് ഒന്നാം ക്ലാസ്സിലെ നവാഗതരെ മുന് കൗണ്സിലര് അംബിക മോഹന്രാജ് ഉപഹാരങ്ങള് നല്കി സ്വീകരിച്ചു.