കൊച്ചി: പന്തീരാങ്കാവ് ഗാര്ഹികപീഡന കേസിലെ ഒന്നാംപ്രതി രാഹുല് പി ഗോപാലും പരാതിക്കാരിയായ യുവതിയും 14ന് നേരിട്ട് ഹാജരാകണമെന്ന് ഹൈക്കോടതി, അതുവരെ അറസ്റ്റ് അടക്കമുള്ള നടപടികള് പാടില്ലെന്നും ജസ്റ്റിസ് എ ബദറുദീന് നിര്ദേശിച്ചു.
ഗാര്ഹികപീഡന പരാതിയില് പന്തീരാങ്കാവ് പൊലീസ് വധശ്രമത്തിന് കേസെടുത്ത് അന്വേഷണം തുടരുകയാണ്. ഈ കേസ് റദ്ദാക്കണമെന്ന് ആവശ്യപ്പെട്ട് യുവതിയുടെ ഭര്ത്താവായ രാഹുലും കുടുംബാംഗങ്ങളും നല്കിയ ഹര്ജിയാണ് ഹൈക്കോടതി പരിഗണിക്കുന്നത്.
എറണാകുളം വടക്കേക്കര സ്വദേശിയാണ് യുവതി വിവാഹം കഴിഞ്ഞ് ഒരാഴ്ചയ്ക്കുശേഷം വീട്ടുകാര് പന്തീരാങ്കാവിലെ ഭര്തൃവീട്ടില് മകളെ കാണാനെത്തിയപ്പോഴാണ് മര്ദനമേറ്റ് അവശനിലയില് കണ്ടത്. തുടര്ന്ന് പൊലീസില് പരാതി നല്കി. ഇതോടെ രാഹുല് ഒളിവില് പോയി. ഭര്ത്താവ് മര്ദിച്ചിട്ടില്ലെന്നും സമ്മര്ദംമൂലം പറഞ്ഞതാണെന്നും യുവതി പിന്നീട് വെളി
പ്പെടുത്തിയിരുന്നു. ഇതിനു പിന്നാലെ കുടുംബപ്രശ്നം പരിഹരിച്ചെന്നും കേസ് റദ്ദാക്കണമെന്നും ആവശ്യപ്പെട്ട് രാഹുല് ഹര്ജി നല്കി. ഭര്ത്താവിനെതിരെ പരാതിയില്ലെന്ന് യുവതി സത്യവാങ്മൂലവും നല്കി. എന്നാല്, യുവതി മൊഴി മാറ്റിയത് ഭീഷണിയെ തുടര്ന്നാകാമെന്നും ഒരുമിച്ച് താമസിച്ചാല് വീണ്ടും രാഹുല് ഉപദ്രവിക്കാന് സാധ്യതയുണ്ടെന്നും കോഴിക്കോട് അസിസ്റ്റന്റ് പൊലീസ് കമീഷണര് കോടതിയെ ധരിപ്പിച്ചിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
