മുതിര്ന്ന കോണ്ഗ്രസ് നേതാവും അന്തരിച്ച മുന് മുഖ്യമന്ത്രി കെ കരുണാകരന്റെ മകളുമായ പത്മജ വേണുഗോപാല് ബിജെപിയിലേക്ക്. ഇന്ന് ബിജെപിയില് ചേരുമെന്നാണ് റിപ്പോര്ട്ട്. ബിജെപി ആസ്ഥാനത്തെത്തി അംഗത്വം സ്വീകരിക്കും. പത്മജ ബിജെപിയില് ചേരുമെന്ന് പ്രചാരണം ഉണ്ടായിരുന്നെങ്കിലും അവ തള്ളിക്കൊണ്ട് പത്മജ തന്നെ ഫേസ്ബുക്ക് മൂഹമാധ്യമത്തിലൂടെ ഇത് നിഷേധിച്ചിരുന്നു. എന്നാല്, പിന്നീട് ഈ ഫേസ്ബുക്ക് പോസ്റ്റ് പത്മജ വേണുഗോപാല് പിന്വലിച്ചു.
നിലവില് കെപിസിസി ജനറല് സെക്രട്ടറിമാരില് ഒരാളാണു പദ്മജ.
തൃശൂര് ഡിസിസി പ്രസിഡന്റിന്റെ ചുമതല വഹിച്ച ആദ്യ വനിതയാണ് പദ്മജ വേണുഗോപാല്. ഇന്ത്യന് നാഷനല് ട്രേഡ് യൂണിയന് കോണ്ഗ്രസ് വര്ക്കിങ് കമ്മിറ്റി അംഗം, തഴപ്പായ എംപ്ലോയീസ് യൂണിയന്, ടെക്നിക്കല് എജ്യുക്കേഷനല് സൊസൈറ്റി ഓഫ് ഇന്ത്യ എന്നീ സംഘടനകളുടെ ഭാരവാഹിയായിരുന്നു.
കോണ്ഗ്രസ് സ്ഥാനാര്ത്ഥിയായി 2004ല് മുകുന്ദപുരത്ത് നിന്നും ലോക്സഭയിലേക്കും തൃശൂര് നിന്ന് 2021 ല് നിയമസഭയിലേക്കും മത്സരിച്ച് പത്മജ വേണുഗോപാല് പരാജയപ്പെട്ടിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
