HIGHLIGHTS : P Jayachandran's funeral tomorrow; public viewing at Sangeetha Nataka Akadema today
തൃശൂര്: മലയാളികളുടെ ഭാവഗായകന് പി ജയചന്ദ്രന്റെ സംസ്കാരം നാളെ വൈകീട്ട് മൂന്നരയ്ക്ക് ചേന്ദമംഗലം തറവാട്ട് വീട്ടില് നടക്കും. മോര്ച്ചറിയില് സൂക്ഷിച്ച മൃതദേഹം രാവിലെ എട്ടുമണിക്ക് പൂങ്കുന്നത്തെ വീട്ടില് എത്തിക്കും. തുടര്ന്ന് രാവിലെ പത്തുമണി മുതല് പന്ത്രണ്ടരവരെ സംഗീത നാടക അക്കാദമയില് പൊതുദര്ശനത്തിന് വയ്ക്കും.
വ്യാഴാഴ്ച രാത്രി ഏഴു മണിക്ക് പൂങ്കുന്നത്തെ വീട്ടില് കുഴഞ്ഞു വീണതിനെ തുടര്ന്ന് തൃശൂര് അമല ആശുപത്രിയില് പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. 7.54 നാണ് മരണം സ്ഥിരീകരിച്ചത്. അര്ബുദ രോഗത്തെ തുടര്ന്ന് കഴിഞ്ഞ കുറച്ചു വര്ഷങ്ങളായി തൃശൂര് അമല ആശുപത്രിയില് ചികിത്സയിലായിരുന്നു.
കാലദേശാതിര്ത്തികള് ലംഘിക്കുന്ന ഗാന സപര്യക്കാണ് വിരാമമായിരിക്കുന്നതെന്ന് മുഖ്യമന്ത്രി പിണറായി വിജയന്. ഒരു കാലഘട്ടം മുഴുവന് മലയാളിയുടെയും ദക്ഷിണേന്ത്യക്കാരന്റെയും ഇന്ത്യയില് ആകെയുള്ള ജനങ്ങളുടെയും ഹൃദയത്തിലേക്ക് കുടിയേറിയ ഗായകനാണ് പി ജയചന്ദ്രന്. ജയചന്ദ്രന്റെ ഗാനശകലം ഉരുവിടാത്ത മലയാളി ഇല്ല എന്ന് തന്നെ പറയാം. ചലച്ചിത്ര ഗാനങ്ങളായും ലളിതഗാനങ്ങളായും ഭക്തിഗാനങ്ങളായും ജയചന്ദ്രന് ആലപിച്ചതെല്ലാം അനുവാചകന്റെ ഹൃദയത്തിലേക്കാണ് വന്ന് പതിച്ചതെന്ന് മുഖ്യമന്ത്രി പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
