തിരുവനന്തപുരം: രണ്ടാം പിണറായി മന്ത്രിയഭയിലെ മന്ത്രിയായി ഒ ആര് കേളു സത്യപ്രതിജ്ഞ ചെയ്തു. കെ രാധാകൃഷ്ണന് ലോക്സഭാ തെരഞ്ഞെടുപ്പില് മത്സരിച്ച് വിജയിച്ച് എംപിയായ പശ്ചാത്തലത്തില് പട്ടികജാതി-പട്ടികവര്ഗ ക്ഷേമവകുപ്പാണ് ഒ ആര് കേളുവിന് ലഭിച്ചിരിക്കുന്നത്. രാജ്ഭവനില് നടന്ന ചടങ്ങില് ഗവര്ണര് ആരിഫ് മുഹമ്മദ് ഖാന്റെയും മുഖ്യമന്ത്രി പിണറായി വിജയന്റേയും മറ്റ് മന്ത്രിമാരുടേയും സാന്നിധ്യത്തിലാണ് ഒ ആര് കേളു മന്ത്രിയായി സത്യപ്രതിജ്ഞ ചെയ്ത് അധികാരത്തിലേറിയത്.
വയനാട്ടിലെ മാനന്തവാടിയില് നിന്നുള്ള എംഎല്എയാണ് ഒ ആര് കേളു. വയനാട്ടില് നിന്നുള്ള ആദ്യ സിപിഐഎം മന്ത്രികൂടിയാകുകയാണ് അദ്ദേഹം.
പ്രതിപക്ഷത്തെ പ്രതിനിധീകരിച്ച് പ്രതിപക്ഷ ഉപനേതാവ് പി കെ കുഞ്ഞാലിക്കുട്ടി ചടങ്ങിലെത്തി. ഗവര്ണര് ആരിഫ് മുഹമ്മദ് ഖാന് സത്യവാചകം ചൊല്ലിക്കൊടുത്തു. സഗൗരവമാണ് ഒ ആര് കേളു സത്യപ്രതിജ്ഞ ചെയ്തത്.
വയനാട്ടില് നിന്നുള്ള സിപിഐഎമ്മിന്റെ ആദ്യ മന്ത്രിയാണ് ഒആര് കേളു. പികെ ജയലക്ഷ്മിക്കു ശേഷം ആദിവാസി വിഭാഗത്തില്നിന്നു സംസ്ഥാന മന്ത്രിസഭയിലേക്കെത്തുന്ന ജനപ്രതിനിധി കൂടിയാണ് കേളു.
