ന്യൂഡല്ഹി: ഒരു രാജ്യം ഒരു തിരഞ്ഞെടുപ്പ് ബില്ല് പാര്ലമെന്റില് അവതരിപ്പിച്ചു. കേന്ദ്ര നിയമ മന്ത്രി അര്ജുന് റാം മേഘ്വാളാണ് ബില് അവതരിപ്പിച്ചത്.എട്ട് പേജുകളുള്ള ബില്ലാണ് അവതരിപ്പിച്ചത്. ബില്ല് വിശദ വിശകലനത്തിനായി ജോയിന്റ് കമ്മിറ്റിക്ക് കൈമാറും.
ബില്ല് തിങ്കളാഴ്ച അവതരിപ്പിക്കുമെന്നായിരുന്നു നേരത്തെ അറിയിച്ചിരുന്നത്. എന്നാല് ഇത് പിന്നീട് മാറ്റുകയായിരുന്നു.
ബില്ലിനെതിരെ ശക്തമായ വിമര്ശനമാണ് പ്രതിപക്ഷ പാര്ട്ടികള് ഉന്നയിച്ചത്. ഭരണഘടനയുടെ അടിസ്ഥാന ഘടനയെ തന്നെ വെല്ലുവിളിക്കുന്ന ബില് ഉടനെ പിന്വലിക്കണമെന്ന് കോണ്ഗ്രസ് നേതാവ് മനീഷ് തിവാരി ആവശ്യപ്പെട്ടു. ബില്ല് ഭരണഘടനാ വിരുദ്ധമാണ് എന്നായിരുന്നു ആര്ജെഡിയുടെ പ്രതികരണം. ഭരണഘടനയുടെ അടിസ്ഥാന ഘടനയ്ക്ക് വിരുദ്ധമാണ് ഒരു രാജ്യം ഒരു തിരഞ്ഞെടുപ്പ് നയമെന്ന് ചൂണ്ടിക്കാട്ടിയ കോണ്ഗ്രസ് ബില്ലിനെ പൂര്ണമായും എതിര്ക്കുന്നുവെന്നും വ്യക്തമാക്കി.
ഭരണഘടനയുടെ 82, 83, 172, 327 എന്നീ അനുച്ഛേദങ്ങളിലാണ് ഭേദഗതി വരുത്തുന്നത്. ഏതെങ്കിലും നിയമസഭയില് തെരഞ്ഞെടുപ്പ് മാറ്റിവയ്ക്കാന് തെരഞ്ഞെടുപ്പ് കമ്മീഷന് അധികാരം നല്കുന്ന ഭേദഗതിയും ഇതില് ഉള്പ്പെടുന്നു.
