ലണ്ടന്: സമാധാനത്തിനുള്ള നോബേല് പുരസ്കാര ജേതാവ് മലാല യൂസഫ്സായി (24) വിവാഹിതയായി. സാമൂഹിക മാധ്യമങ്ങളില് മലാല തന്നെയാണ് ഇക്കാര്യം പങ്കുവെച്ചത്.
Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP— Malala (@Malala) November 9, 2021
പാക്കിസ്ഥാന് ക്രിക്കറ്റ് ബോര്ഡ് ഹൈ പെര്ഫോമന്ഡസ് സെന്റര് ജനറല് മാനേജറായ അസീര് മാലിക്കാണു വരന്. ബര്മിങ്ങാമിലെ വസതിയില് കുടുംബാംഗങ്ങള് പങ്കെടുത്ത ലളിതമായ ചടങ്ങിലായിരുന്നു വിവാഹമെന്ന് മലാല ട്വിറ്ററില് കുറിച്ചു.
പെണ്കുട്ടികളുടെ വിദ്യാഭ്യാസ അവകാശങ്ങള്ക്കുവേണ്ടി നിലകൊണ്ടതിന് 2012-ല് പതിനഞ്ചാം വയസ്സില് പാക്ക് താലിബാന് ഭീകരരുടെ വെടിയേറ്റു ഗുരുതരമായി പരുക്കേറ്റതോടെയാണു മലാല ലോകശ്രദ്ധ നേടിയത്, തുല്യവിദ്യാഭ്യാസ അവകാശത്തിനു വേണ്ടി 16-ാം വയസ്സില് യുഎന്നില് പ്രസംഗിച്ചു. 2014ല് പതിനേഴാം വയസ്സില് നോബേല് സമ്മാനം ലഭിച്ചു.
