കൊച്ചി: ഇനി തിരഞ്ഞെടുപ്പില് മത്സരിക്കില്ലെന്നും ഒരധികാരപദവിയും വേണ്ടെന്നും കെ ടി ജലീല് എംഎല്എ. ഉദ്യോഗസ്ഥരിലെ കള്ളനാണയങ്ങളെ തുറന്നുകാട്ടും അതിനായി ഒരു പോര്ട്ടല് തുടങ്ങുമെന്നും ഫേസ്ബുക്കില് കുറിച്ചു. വിശദവിവരങ്ങള് ഒക്ടോബര് രണ്ടിന് പുറത്തിറങ്ങുന്ന ‘സ്വര്ഗസ്ഥനായ ഗാന്ധിജി’യെന്ന പുസ്തകത്തിന്റെ അവസാന അദ്ധ്യായത്തില് ഉണ്ടാകും. അവസാന ശ്വാസം വരെ സിപിഐഎം സഹയാത്രികനായി തുടരും. സിപിഐഎം നല്കിയ പിന്തുണയും അംഗീകാരവും മരിച്ചാലും മറക്കില്ലെന്നും കെ ടി ജലീല് വ്യക്തമാക്കി.
കെ ടി ജലീലിന്റെ ഫേസ്ബുക്ക് കുറിപ്പ്:-
ഇനി തെരഞ്ഞെടുപ്പില് മല്സരിക്കില്ല. ഒരധികാരപദവിയും വേണ്ട. അവസാന ശ്വാസം വരെ സി.പി.ഐ (എം) സഹയാത്രികനായി തുടരും. സി.പി.ഐ (എം) നല്കിയ പിന്തുണയും അംഗീകാരവും മരിച്ചാലും മറക്കില്ല. ഉദ്യോഗസ്ഥരിലെ കള്ളനാണയങ്ങളെ തുറന്നുകാട്ടും. അതിനായി ഒരു പോര്ട്ടല് തുടങ്ങും. വിശദവിവരങ്ങള് ഒക്ടോബര് രണ്ടിന് പുറത്തിറങ്ങുന്ന ‘സ്വര്ഗ്സ്ഥനായ ഗാന്ധിജി’യുടെ അവസാന അദ്ധ്യായത്തില്
ക്രമസമാധാന ചുമതലയുള്ള എഡിജിപി എം ആര് അജിത്കുമാറിനെതിരായ മലപ്പുറം മുന് എസ്പി സുജിത് ദാസിന്റെ വെളിപ്പെടുത്തലിലും പി വി അന്വറിന്റെ ആരോപണങ്ങളിലും അന്വേഷണം വേണമെന്ന് കെ ടി ജലീല് കഴിഞ്ഞദിവസം ആവശ്യപ്പെട്ടിരുന്നു. എഡിജിപി അജിത്കുമാറിനെതിരായ ആരോപണങ്ങളും പരിശോധിക്കണം. ഏത് കേസും അട്ടിമറിക്കാന് പ്രാപ്തിയുള്ള സംഘമാണ് ഇവരെന്നും ജലീല് പറഞ്ഞിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
