HIGHLIGHTS : Nipa: Containment zone for 5 wards of Tiruvalli and Mampat panchayats
മലപ്പുറം ജില്ലയിലെ തിരുവാലി നടുവത്ത് കഴിഞ്ഞ ആഴ്ച യുവാവ് മരിച്ചത് നിപ ബാധിച്ചാണെന്ന് പൂനെ ദേശീയ വൈറോളജി ഇന്സ്റ്റിറ്റ്യൂട്ടില് സ്ഥിരീകരിച്ച പശ്ചാത്തലത്തില് തിരുവാലി പഞ്ചായത്തിലെ 4, 5, 6, 7 വാര്ഡുകള്, മമ്പാട് പഞ്ചായത്തിലെ 7-ാം വാര്ഡ് എന്നിവ കണ്ടെയ്ന്മെന്റ് സോണായി ജില്ലാ കളക്ടര് വി.ആര്. വിനോദ് പ്രഖ്യാപിച്ചു.
ഈ സ്ഥലങ്ങളില് പ്രോട്ടോകോള് പ്രകാരമുള്ള നിയന്ത്രങ്ങള് ഉണ്ടാവും. ഈ വാര്ഡുകളിലെ നബിദിന ഘോഷയാത്ര മറ്റൊരു ദിവസത്തേക്ക് മാറ്റിവക്കണമെന്നു ജില്ലാ കളക്ടര് അഭ്യര്ത്ഥിച്ചു. ആശങ്കപ്പെടേണ്ട സാഹചര്യമില്ലെങ്കിലും ജില്ലയില് പൊതുവെ ജാഗ്രത വേണമെന്നും മുന്കരുതലിന്റെ ഭാഗമായി എല്ലാവരും മാസ്ക് ധരിക്കണമെന്നും ജില്ലാ കളക്ടര് അഭ്യര്ത്ഥിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
