കാസര്കോട്: നീലേശ്വരം തെരു അഞ്ഞൂറ്റമ്പലം വീരര്കാവ് ക്ഷേത്രത്തില് കഴിഞ്ഞദിവലമുണ്ടായ വെടിക്കെട്ട് അപകടത്തില് മരിച്ചവരുടെ എണ്ണം രണ്ടായി. ചികിത്സയിലായിരുന്ന ഒരാള് കൂടിയാണ് മരിച്ചു. നീലേശ്വരം കിണാവൂര് സ്വദേശി രതീഷ്(32) ആണ് മരിച്ചത്. കോഴിക്കോട് ബേബി മെമ്മോറിയല് ആശുപത്രിയില് ചികിത്സയിലായിരുന്നു. ചികിത്സയിലിരിക്കെ ഒരാള് ഇന്നലെ മരിച്ചിരുന്നു. കണ്ണൂരിലെ സ്വകാര്യ ആശുപത്രിയില് ചികിത്സയിലായിരുന്ന ചോയ്യങ്കോട് കിണാവൂര് സ്വദേശി സന്ദീപാണ് ഇന്നലെ മരിച്ചത്.
മൂവാളംകുഴി ചാമുണ്ഡിയുടെ കുളിച്ചുതോറ്റം അരങ്ങിലെത്തിയ സമയത്താണ് ക്ഷേത്രത്തില് വെടിക്കെട്ടപകടം ഉണ്ടായത്. പടക്കം പൊട്ടിച്ചപ്പോള് തീപ്പൊരി പടക്കപ്പുരയിലേക്ക് വീഴുകയായിരുന്നു. ഇരുന്നൂറിലേറെ പേര്ക്ക് അപകടത്തില് പരിക്കേറ്റു.
സംഭവത്തില് അറസ്റ്റിലായവരുടെ ജാമ്യം കോടതി റദ്ദാക്കിയിട്ടുണ്ട്. ക്ഷേത്രകമ്മിറ്റി പ്രസിഡന്റ് ചന്ദ്രശേഖരന്, സെക്രട്ടറി ഭരതന്, പടക്കം പൊട്ടിച്ച രാജേഷ് എന്നിവരുടെ ജാമ്യമാണ് റദ്ദാക്കിയത്.
ജാമ്യം നല്കിയ ഹൊസ്ദുര്ഗ് ഒന്നാംക്ലാസ് ജുഡൂഷ്യല് മജിസ്ട്രേറ്റ്(രണ്ട്) കോടതിയുടെ വിധിയാണ് ജില്ലാ സെഷന്സ് കോടതി സ്റ്റേ ചെയ്തത്.
