കോഴിക്കോട്ടെ ഹോട്ടലില് വച്ച് കൊല നടത്താന് ഉപയോഗിച്ച ചുറ്റിക, മൃതദേഹം മുറിക്കാന് ഉപയോഗിച്ച ഇലക്ട്രിക് കട്ടര്, മരിച്ച സിദ്ദിഖിന്റെ എടിഎം കാര്ഡ്, ചോരപുരണ്ട വസ്ത്രങ്ങള് എന്നിവ മലപ്പുറം അങ്ങാടിപ്പുറത്തിനടുത്ത് ചീരാട്ട്മലയില് നിന്നാണ് കണ്ടെടുത്തത്. മൃതദേഹവശിഷ്ടങ്ങള് ട്രോളി ബാഗുകളില് ആക്കി അട്ടപ്പാടി ചുരത്തില് തള്ളിയ ശേഷമാണ് പ്രതികള് ആളൊഴിഞ്ഞ ഈ പ്രദേശത്ത് ഇവ ഉപേക്ഷിച്ചത്. മുഖ്യപ്രതികളായ ഷിബിലി, ഫര്ഹാന എന്നിവരുമായി തിരൂര് പൊലീസാണ് തെളിവെടുപ്പ് നടത്തിയത്. മൊബൈല് ഫോണുകള് അടക്കം കണ്ടെത്താന് അടുത്ത ദിവസങ്ങളില് കോഴിക്കോട്, അട്ടപ്പാടി ചുരം എന്നിവിടങ്ങളിലും തെളിവെടുപ്പ് നടത്തും.
കൊലപാതകത്തിന് ഉപയോഗിച്ച ഇലക്ട്രിക് കട്ടറും മറ്റും ഉപേക്ഷിച്ചത് ചിരട്ടാമലയിലാണെന്ന് പ്രതികള് നേരത്തെ പോലീസിന് മൊഴി നല്കിയിരുന്നു. മൃതദേഹം രണ്ട് ട്രോളി ബാഗുകളിലാക്കി അട്ടപ്പാടയിലെത്തി ഉപേക്ഷിച്ച് തിരിച്ചുവരുന്നതിനിടെയാണ് പ്രതികള് ചിരട്ടാമലയിലെത്തിയത്. ഇവിടെയുള്ള ഒരു വ്യൂപോയന്റിനടുത്ത് കാര് നിര്ത്തിയശേഷം ഫര്ഹാനയാണ് വാഹനത്തില്നിന്ന് പുറത്തിറങ്ങി ഇവ താഴേക്ക് വലിച്ചെറിഞ്ഞത്.
തെളിവെടുപ്പ് പൂര്ത്തിയാക്കിയശേഷം പ്രതികളെ ഇന്നുതന്നെ അന്വേഷണ സംഘം തിരൂര് മജിസ്ട്രേറ്റിന് മുന്നില് ഹാജരാക്കുമെന്നാണ് വിവരം. തുടര്ന്ന് കസ്റ്റഡിയില് കിട്ടിയശേഷമായിരിക്കും ഇനി കോഴിക്കോട്ടും അട്ടപ്പാടയിലെ അഗളിയിലും എത്തിച്ച് തെളിവെടുപ്പ് നടത്തുക.
ഹണി ട്രാപ്പിനിടെ സിദ്ദിഖിന്റെ കൊലപാതകം എന്നാണ് അന്വേഷണ ഉദ്യോഗസ്ഥര് പറയുന്നത്. സിദ്ദിഖിനെ നഗ്നനാക്കി ഫോട്ടോയെടുക്കാന് ശ്രമിച്ചത് എതിര്ത്തപ്പോള് ഷിബിലി ചുറ്റിക കൊണ്ട് തലയ്ക്കും നെഞ്ചിനും അടിച്ച് വീഴ്ത്തി. ഫര്ഹാനയാണ് ചുറ്റിക എടുത്ത് നല്കിയത്. മറ്റൊരു പ്രതിയായ ആഷിഖ്. സിദ്ദിഖിന്റെ വാരിയെല്ലിന് ചവിട്ടുകയും ചെയ്തു. കൊലപാതകത്തിന് ശേഷം അസമിലേക്ക് പ്രതികള് കടക്കാന് ശ്രമിക്കുന്നതിടെയാണ് ചെന്നൈയില് നിന്നും പിടിയിലായത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
