തിരുവനന്തപുരം: മൂന്നാര് മേഖലയിലെ കയ്യേറ്റങ്ങള് ഒഴിപ്പിക്കാന് രണ്ടുദിവസത്തിനകം പുതിയ ടാസ്ക് ഫോഴ്സിന് രൂപം നല്കി ഉത്തരവിറക്കുമെന്ന് സര്ക്കാര്. ഹൈക്കോടതിയിലാണ് സര്ക്കാര് ഇക്കാര്യം അറിയിച്ചത്.
മൂന്നാര് മേഖലയില് 310 കയ്യേറ്റങ്ങള് കണ്ടെത്തിയിട്ടുണ്ടെന്നും ഇതില് 70 കേസുകളിലാണ് അപ്പീല് നിലവിലുള്ളതെന്നും സത്യവാങ്മൂലത്തില് സര്ക്കാര് അറിയിച്ചിട്ടുണ്ട്.
അപ്പീലുകളില് കലക്ടര് രണ്ട് മാസത്തിനുള്ളില് തീരുമാനമെടുക്കും. അപ്പീലുകളില്ലാത്ത കയ്യേറ്റങ്ങള് സമയബന്ധിതമായി ഒഴിപ്പിക്കുകയാണ് ടാസ്ക്ഫോഴ്സിന്റെ ചുമതല. വീട് നിര്മിക്കാന് ഒരുസെന്റില് താഴെ മാത്രമാണ് ഭൂമി കയ്യേറിയിട്ടുള്ളതെങ്കില് അതിനു പട്ടയം നല്കുന്ന കാര്യം പരിഗണനയിലുണ്ടെന്നും സര്ക്കാര് ഹൈക്കോടതിയില് വ്യക്തമാക്കി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
