കൊച്ചി: മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസില് നടന് സൗബിന് ഷാഹിര് അറസ്റ്റില്. ബാബു ഷാഹിര്, ഷോണ് ആന്റണി എന്നിവരുടെയും അറസ്റ്റ് രേഖപ്പെടുത്തി. രണ്ടാം ദിനത്തിലെ ചോദ്യം ചെയ്യലിന് പിന്നാലെയാണ് മരട് പൊലീസിന്റെ നടപടി. അതെസമയം കോടതി വ്യവസ്ഥ ഉള്ളതിനാല് സ്റ്റേഷന് ജാമ്യത്തില് മൂന്ന് പേരെയും വിട്ടയക്കും.
മഞ്ഞുമ്മല് ബോയ്സ് സിനിമയുടെ നിര്മ്മാണവുമായി ബന്ധപ്പെട്ട് പ്രതികള് 40 ശതമാനം ലാഭവിഹിതം വാഗ്ദാനം ചെയ്ത് ഏഴ് കോടി രൂപ തട്ടിയെടുത്തുവെന്നാണ് കേസ്. സിനിമയ്ക്ക് വേണ്ടി ഏഴ്കോടി രൂപ നിക്ഷേപിച്ച തിനിക്ക് മുടക്കിയ തുകയും ലാഭവിഹിതവും നല്കിയില്ലെന്ന് കാണിച്ച് അരൂര് സ്വദേശിയായ സിറാജ് നല്കിയ പരാതിയിലാണ് പോലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചത്.
പരാതിക്കാരന് പണം മുഴുവന് താന് നല്കിയതാണ്. എന്നാല് ലാഭവിഹിതം നല്കിയില്ല. അതിനായി പണം മാറ്റി വെച്ചിരുന്നു. അത് നല്കാനിരിക്കുന്നതിനിടയിലാണ് തനിക്കെതിരായി പരാതിക്കാരന് കേസ് കൊടുത്തതെന്നായിരുന്നു സൗബിന്റെ പ്രതികരണം.
കേസ് റദ്ദാക്കണമെന്ന് ആവശ്യപ്പെട്ട് നിര്മാതാക്കാള് ഹൈക്കോടതിയെ സമീപിച്ചിരുന്നെങ്കിലും അന്വേഷണം തുടരാനായിരുന്നു ഹൈക്കോടതിയുടെ നിര്ദേശം.
