പത്തനംതിട്ട: കാമുകിയുടെ കുടുംബത്തിന്റെ മതിപ്പ് നേടാന് വാഹനാപകട നാടകം നടത്തിയ യുവാവും സുഹൃത്തും അറസ്റ്റിലായി . യുവതിയെ ഇടിച്ചിട്ട് നിര്ത്താതെ പോയ കാര് അന്വേഷണത്തില് കണ്ടെത്തിയതോടെയാണ് വാഹനാപകട നാടകം പോലീസ് പൊക്കിയത്. കോന്നി മാമ്മൂട് സ്വദേശി രഞ്ജിത് രാജന് (24), കോന്നി പയ്യനാമണ് സ്വദേശി അജാസ് (19) എന്നിവരാണ് അറസ്റ്റിലായത്. ഇവര്ക്കെതിരെ വധശ്രമത്തിന് കേസെടുത്തു. അപകടത്തില് യുവതിയുടെ വലതു കൈക്കുഴ തെറ്റി. ചെറുവിരലിന് പൊട്ടലും ഉണ്ടായി. പ്രതികളെ കോടതിയില് ഹാജരാക്കി റിമാന്ഡ് ചെയ്തു.
യുവാവും സുഹൃത്തും ചേര്ന്ന് ഇക്കഴിഞ്ഞ ഡിസംബര് 23-നാണ് യുവതിയുടെ വാഹനം ഇടിച്ചിട്ടത്. വൈകീട്ട് സ്കൂട്ടറില് പോവുകയായിരുന്ന യുവതിയെ പത്തനംതിട്ടയ്ക്കടുത്ത് വാഴമുട്ടം ഈസ്റ്റില്വെച്ച് രണ്ടാംപ്രതി അജാസ് കാറില് പിന്തുടര്ന്ന് ഇടിച്ചുവീഴ്ത്തുകയായിരുന്നു. തുടര്ന്ന് കാര് നിര്ത്താതെ പോവുകയായിരുന്നു. ഉടന് മറ്റൊരു കാറില് സ്ഥലത്തെത്തിയ ഒന്നാം പ്രതി രഞ്ജിത് യുവതിയെ ആശുപത്രിയിലെത്തിച്ചു. യുവതിയുടെ ഭര്ത്താവാണ് താനെന്ന് നാട്ടുകാരെ തെറ്റിദ്ധരിപ്പിക്കുകയും ചെയ്തിരുന്നു. അജാസിന്റെ ഫോണ് വിവരങ്ങള് പരിശോധിച്ചപ്പോള് കൂടുതല് വിവരങ്ങള് ലഭിക്കുകയായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
