HIGHLIGHTS : Mammootty's 72nd birthday today; fans celebrate
മലയാളത്തിന്റെ പ്രിയ താരം മെഗാസ്റ്റാര്‍ മമ്മൂട്ടിക്ക് എഴുപത്തിരണ്ടാം പിറന്നാള്‍.കൊച്ചിയിലെ അദേഹത്തിന്റെ വീട്ടില്‍ വലിയ ആഘോഷങ്ങെളൊന്നുമില്ലെങ്കിലും ആരാധകര്‍ പിറന്നാള്‍ ആഘോഷമാക്കിയിരിക്കുകയാണ്.
താരത്തിന്റെ ജന്മദിനത്തോട് അനുബന്ധിച്ച് ജീവകാരുണ്യ പ്രവര്‍ത്തനങ്ങളും വിവിധ സ്ഥലങ്ങളില്‍ ആഘോഷങ്ങളും ആരാധകര്‍ ഒരുക്കിയിട്ടുണ്ട്.
മമ്മുട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ കാല്‍ ലക്ഷം രക്തദാനവും സംഘടിപ്പിച്ചു.
ജന്മദിനത്തിന് ഒരു ദിവസം മുന്നേ തന്നെ മമ്മുട്ടി ഏറെ വ്യത്യസ്തമായ ഒരു ചിത്രം സോഷ്യല്‍ മീഡിയയില്‍ പങ്കുവെച്ചിരുന്നു.ഏറെ കൗതുക മുണര്‍ത്തുന്ന ഈ ചിത്രത്തില്‍ കയ്യുറ ഉള്‍പ്പെടെ എല്ലാം തന്നെ വെള്ള നിറത്തിലുള്ളവയാണ് അദേഹം ധരിച്ചിട്ടുള്ളത്. ഷര്‍ട്ടിന്റെ അരികില്‍ ചെറിയൊരു ചുവപ്പ് ബോര്‍ഡറുമുണ്ട്. ചത്രത്തിന് താഴെ ആയിരക്കണക്കിന് ആരാധകരാണ് ആശംസകള്‍ അറിയിച്ച് മെസേജ് അയച്ചിരിക്കുന്നത്.
വരാനിരിക്കുന്ന ചിത്രം ‘കണ്ണൂര്‍ സ്‌ക്വാഡിന്റെ’ ട്രെയ്ലര്‍ ഇന്ന് വൈകുന്നേരം 6 മണിക്ക് ഇറങ്ങുമെന്നാണ് വിവരം. നാലു സിനിമകളാണ് ഇനിയും മമ്മൂട്ടിയുടേതായി തിയേറ്ററിലെത്താനിരിക്കുന്നത്. ജ്യോതിക നായികയായ ‘കാതല്‍’ ആണ് ആദ്യം തിയേറ്ററിലെത്തുക എന്നാണ് പ്രതീക്ഷിക്കുന്നത്.
