അയോധ്യ : ഉത്തര്പ്രദേശിലെ അയോധ്യയിലെ സരയൂ നദിയില് ഭാര്യയോടൊപ്പം കുളിക്കാനിറങ്ങിയ യുവാവിനെതിരെ ജനക്കൂട്ടത്തിന്റെ ആക്രമണം. ഈ സംഭവത്തിന്റെ വീഡിയോ വൈറലായതോടെ പോലീസ് അന്വേഷണം ആരംഭിച്ചിട്ടുണ്ട്.
നദിയില് ദമ്പതികള് കുളിക്കുന്നതിനിടെ പരസ്പരം ചുംബിച്ചതു കണ്ട് ചുറ്റുമുള്ളവര് അടുത്തുകൂടുകയും ചോദ്യം ചെയ്യുകയും ചെയ്യുന്നത് വിഡിയോയില് കാണാം. ഇതിന് പിന്നാലെ യുവാവിനെ ആള്ക്കൂട്ടം മര്ദിക്കാന് തുടങ്ങി. ഇതില് നിന്ന് ഭാര്യ ഭര്ത്താവിനെ സംരക്ഷിക്കാന് ശ്രമിക്കുന്നുണ്ട്. പക്ഷേ അത് പരാജയപ്പെടുന്നു. ക്രൂരമര്ദനത്തിന് ഒടുവില് ജനക്കൂട്ടം തന്നെ ഭര്ത്താവിനെ വലിച്ച് കരയിലും കയറ്റുന്നുണ്ട്.
ഇതു സംബന്ധിച്ച് ഇതുവരെ പരാതിയൊന്നും ലഭിച്ചിട്ടില്ലെന്ന് ഉദ്യോഗസ്ഥര് പറഞ്ഞു. വിഷയം അന്വേഷിക്കുകയാണെന്ന് അയോധ്യ എസ്എസ്പി ശൈലേഷ് പാണ്ഡെ പറഞ്ഞു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
