HIGHLIGHTS : Couple electrocuted to death in Karunagapally; Suspicion of suicide
കൊല്ലം കരുനാഗപ്പള്ളിയില് ദമ്പതികള് കിടപ്പുമുറിയില് മരിച്ച നിലയില് കണ്ടെത്തി. കരുനാഗപ്പള്ളി തൊടിയൂര് കല്ലേലി ഭാഗം കോട്ടൂര് തെക്കതില് സാബു (52), ഭാര്യ ഷീജ (48) എന്നിവരാണു മരിച്ചത്. ആത്മഹത്യയെന്നു സംശയം.
ഇന്ന് രാവിലെ ഒമ്പതുമണിയോടെയാണ് ഇരുവരെയും കിടപ്പുമുറിയില് മരിച്ച നിലയില് കണ്ടത്. കടബാധ്യതയെത്തുടര്ന്നു വീടുവിറ്റ ശേഷം ബന്ധു വീട്ടിലായിരുന്നു ഇവരുടെ താമസം.
ശരീരത്തില് വൈദ്യുതി കേബിള് ചുറ്റിയ നിലയിലാണ്. ഫൊാറന്സിക് വിദഗ്ധരും പോലീസും പ്രാഥമിക പരിശോധന നടത്തി മൃതദേഹങ്ങള് ആശുപത്രിയിലേക്ക് മാറ്റി.