ലോകത്തെ ആദ്യ എ.ഐ വിശ്വസുന്ദരി കിരീടം ചൂടി മൊറോക്കോക്കാരി കെന്സ ലെയ്ലി. 1500 എഐ നിര്മിത മോഡലുകളെ പിന്തള്ളിയാണ്
ഹിജാബണിഞ്ഞ് ലോകത്തെ ആദ്യ എ.ഐ വിശ്വസുന്ദരി കിരീടം ചൂടിയത് . 20000 ഡോളറാണ് സമ്മാനത്തുക. സൗന്ദര്യം, സാങ്കേതിക വിദ്യ, ഓണ്ലൈന് ഇന്ഫ്ളുവന്സ് എന്നിവ അടിസ്ഥാനപ്പെടുത്തിയാണ് വിജയികളെ തിരഞ്ഞെടുത്തത്.
ഫ്രഞ്ച് എ.ഐ സുന്ദരി ലാലിന വാലിന ഫസ്റ്റ് റണ്ണര് അപ്പും പോര്ച്ചുഗലിന്റെ ഒളിവിയ സി സെക്കന്റ് റണ്ണറപ്പുമായി. രാഹുല് ചൗധരി നിര്മ്മിച്ച ഇന്ത്യന് എഐ സുന്ദരി സാറാ ശതാവരി അവസാന പത്തില് ഇടം പിടിച്ചിരുന്നു. ഇന്സ്റ്റാഗ്രാമില് രണ്ട് ലക്ഷത്തോളം ഫോളോവേഴ്സുള്ള ലൈഫ്സ്റ്റൈല് ഇന്ഫ്ളുവന്സറും ആക്ടിവിസ്റ്റുമാണ് കെന്സ.
മൊറോക്കന് സ്ത്രീസമൂഹത്തിന്റെയും പശ്ചിമേഷ്യന് സ്ത്രീസമൂഹത്തിന്റേയും ഉന്നമനവും ശാക്തീകരണവുമാണ് കെന്സയുടെ ജീവിതലക്ഷ്യം. കാസബ്ലാങ്കയില് നിന്നുള്ള നാല്പതുകാരനായ മെറിയം ബെസയാണ് മൊറോക്കന് പാരമ്പര്യത്തിലൂന്നി കെന്സയെ നിര്മിച്ചിരിക്കുന്നത്. സാങ്കേതിക മേഖലയില് മൊറോക്കന്, അറബ്, ആഫ്രിക്കന്, മുസ്ലീം സ്ത്രീകളെ ഹൈലൈറ്റ് ചെയ്യാന് കെന്സയിലൂടെ സാധിച്ചു എന്നതില് അഭിമാനമുണ്ടെന്നും മെറിയം പ്രതികരിച്ചു. നൂറ് ശതമാനം എഐ സാങ്കേതികവിദ്യ ഉപയോഗിച്ച് നിര്മിച്ച 24 മണിക്കൂറും ആക്ടീവായ കെന്സയോട് ഏഴ് ഭാഷകളില് സംവദിക്കാം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
