കണ്ണൂര് : ആലപ്പുഴ കണ്ണൂര് എക്സിക്യൂട്ടിവ് ട്രെയിനില് തീ വെച്ചത് പൊലീസ് കസ്റ്റഡിയിലുള്ള പ്രതി തന്നെയെന്ന് സ്ഥിരീകരണം. പ്രസൂണ് ജിത് സിക്ദര് (40) എന്ന ബംഗാള് സ്വദേശിയാണ് കൃത്യം നടത്തിയതെന്ന് ഉത്തര മേഖല ഐ ജി നീരജ് കുമാര് ഗുപ്ത വിശദീകരിച്ചു.
കൊല്ക്കത്തില് വെയിറ്ററായി ജോലി ചെയ്തിരുന്ന ഇയാള് കുറച്ച് നള് മുമ്പാണ് കേരളത്തിലേക്ക് എത്തിയത്. പശ്ചിമബംഗാള് സ്വദേശിയായ ഇയാള് മൂന്ന് ദിവസം മുമ്പാണ് തലശ്ശേരിയില് നിന്നും കാല്നടയായി കണ്ണൂരിലേക്ക് എത്തിയത്. ഭിക്ഷയെടുക്കാന് അനുവദിക്കാത്തതിലെ പ്രകോപനത്തെ തുടര്ന്നാണ് തീവെച്ചതെന്നാണ് പ്രതി മൊഴി നല്കിയത്. ഭിക്ഷയെടുക്കാന് അനുവദിക്കാത്തതിനാല് പണം ലഭിച്ചിരുന്നില്ല. ഇതില് പ്രതി മാനസിക സമ്മര്ദ്ദം അനുഭവിച്ചിരുന്നുവെന്നും ഇതാണ് കൃത്യത്തിലേക്ക് നയിച്ചതെന്നുമാണ് പൊലീസ് വിശദീകരിക്കുന്നത്.
തീപ്പെട്ടി ഉപയോഗിച്ചാണ് തീകൊളുത്തിയത്. ഒരാള് മാത്രമാണോ കൃത്യത്തിന് പിന്നിലെന്നതടക്കം പൊലീസ് പരിശോധിച്ച് വരികയാണെന്നും ഉത്തര മേഖല ഐ ജി നീരജ് കുമാര് ഗുപ്ത വിശദീകരിച്ചു. പ്രതി നല്കിയ വിവരങ്ങള് സ്ഥിരീകരിക്കുന്നതിനും കൂടുതല് അന്വേഷണത്തിനുമായി കേരളാ പൊലീസിന്റെ ഒരു സംഘം കൊല്ക്കത്തിലുണ്ട്. കണ്ണൂര് സിറ്റി ഇന്സ്പെക്ടര് ബിജു പ്രകാശിന്റെ നേതൃത്വത്തിലുള്ള സംഘമാണ് കൊല്ക്കത്തയിലെത്തിയത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
