ഹൈദരബാദ്:ബിആര്എസില് നിന്ന് കെ കവിത രാജിവെച്ചു. പാര്ട്ടി അധ്യക്ഷനും പിതാവുമായ കെ ചന്ദ്രശേഖര റാവു പാര്ട്ടി വിരുദ്ധ പ്രവര്ത്തനങ്ങളുടെ പേരില് കവിതയെ കഴിഞ്ഞദിവസം സസ്പെന്ഡ് ചെയ്തിരുന്നു. ഇതിന് പിന്നാലെയാണ് പാര്ട്ടിയില് നിന്ന് രാജിവെക്കുന്നതായി കവിത അറിയിച്ചത്.
ചന്ദ്രശേഖര് റാവുവാണ് തന്റെ ഏറ്റവും വലിയ പ്രചോദനമെന്ന് പറഞ്ഞുകൊണ്ടാണ് കവിത ഇന്ന് തന്റെ വാര്ത്താ സമ്മേളനം ആരംഭിച്ചത്. തന്റെ പാര്ട്ടിയ്ക്കുള്ളില് നടന്ന ചില ഗൂഢാലോചനകള്ക്ക് ഇരയായി. കെസിആര് തെലങ്കാനയിലെ ദളിതര്ക്കും പിന്നോക്ക വിഭാഗങ്ങള്ക്കും നീതി ഉറപ്പാക്കാനായി യത്നിച്ചു. തെലങ്കാന മുഖ്യമന്ത്രി രേവന്ത് റെഡ്ഡിയുമായി ചേര്ന്ന് ഹരീഷ് റാവു ഗൂഢാലോചനയില് പങ്കാളിയായെന്നാണ് കവിതയുടെ ആരോപണം.
കാലേശ്വരം പദ്ധതിയുമായി ബന്ധപ്പെട്ട അഴിമതിയില് ഹരീഷ് റാവുവിനും പങ്കുണ്ടെന്നും എംഎല്എമാരെ തന്റെ നിയന്ത്രണത്തില് നിര്ത്താന് ഈ പണം ഉപയോഗിച്ചെന്നും കവിത വാര്ത്താ സമ്മേളനത്തില് പറഞ്ഞു.
