HIGHLIGHTS : Justice Surya Kant sworn in as 53rd Chief Justice of India
ന്യൂഡല്ഹി: ജസ്റ്റിസ് സൂര്യകാന്ത് ഇന്ത്യയുടെ 53ാം ചീഫ് ജസ്റ്റിസായി സത്യപ്രതിജ്ഞ ചൊല്ലി ചുമതലയേറ്റു. രാഷ്ട്രപതി ഭവനില് നടന്ന സത്യപ്രതിജ്ഞാച്ചടങ്ങില് രാഷ്ട്രപത്രി ദ്രൗപതി മുര്മു സത്യവാചകം ചൊല്ലിക്കൊടുത്തു.
പ്രധാനമന്ത്രി നരേന്ദ്രമോദി,പ്രതിരോധ മന്ത്രി രാജ് നാഥ് സിംഗ്, ആഭ്യന്തര മന്ത്രി അമിത് ഷാ, , മറ്റ് കേന്ദ്രമന്ത്രിമാര്, ആറ് വിദേശ രാജ്യങ്ങളിലെ സുപ്രീംകോടതി ചീഫ് ജസ്റ്റിസുമാര് ഉള്പ്പെടെയുള്ളവര് ചടങ്ങില് സംബന്ധിച്ചു.
ഹരിയാനയില് നിന്ന് സുപ്രീംകോടതി ചീഫ് ജസ്റ്റിസാകുന്ന ആദ്യവ്യക്തികൂടിയാണ് സൂര്യകാന്ത്.
ചീഫ് ജസ്റ്റിസായിരുന്ന ബി ആര് ഗവായ് സ്ഥാനമൊഴിഞ്ഞതിനെ തുടര്ന്നാണ് സൂര്യകാന്ത് ചീഫ് ജസ്റ്റിസാകുന്നത്. 2027 ഫെബ്രുവരി 9 വരെ ഏകദേശം 15 മാസക്കാലം 65 വയസ് തികയുന്നതുവരെ അദേഹം പദവിയില് തുടരും.
ജമ്മുകശ്മീരിന് പ്രത്യേക പദവി നല്കുന്ന ആര്ട്ടിക്കിള് 370 റദ്ദാക്കല്, പെഗാസസ് ചാരക്കേസ്, ബീഹാര് വോട്ടര് പട്ടിക പരിഷ്കരണം അടക്കം സുപ്രധാന വിധികള് നടത്തിയ ജസ്റ്റിസ് ആണ് സൂര്യകാന്ത്. പ്രധാനമന്ത്രി നരേന്ദ്ര മോദിയുടെ 2022-ലെ പഞ്ചാബ് സന്ദര്ശനത്തിനിടെയുണ്ടായ സുരക്ഷാ വീഴ്ച അന്വേഷിക്കാന് മുന് സുപ്രീം കോടതി ജഡ്ജി ജസ്റ്റിസ് ഇന്ദു മല്ഹോത്രയുടെ നേതൃത്വത്തില് അഞ്ചംഗ സമിതിയെ നിയോഗിച്ച ബെഞ്ചില് ജസ്റ്റിസ് കാന്തും അംഗമായിരുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
