കൊല്ലം: സുപ്രീം കോടതിയിലെ ആദ്യ വനിതാ ജഡ്ജിയും തമിഴ്നാട് മുന് ഗവര്ണറുമായിരുന്ന ഫാത്തിമ ബീവി അന്തരിച്ചു. 96 വയസായിരുന്നു. കൊല്ലത്തെ സ്വകാര്യ ആശുപത്രിയില് ഇന്ന് രാവിലെയായിരുന്നു അന്ത്യം. പിന്നാക്ക വിഭാഗ കമ്മീഷന് ആദ്യ അധ്യക്ഷ, പ്രഥമ കേന്ദ്ര മനുഷ്യാവകാശ കമ്മീഷനംഗം എന്നീ നിലകളിലും പ്രവര്ത്തിച്ചിട്ടുണ്ട്.
1950 നവംബര് 14-നാണ് ഫാത്തിമ ബീവി അഭിഭാഷകയായി ഔദ്യോഗിക ജീവിതം ആരംഭിക്കുന്നത്. 1958 മെയ് മാസം സബോഡിനേറ്റ് മുന്സിഫായി നിയമിതയായി. 1968-ല് സബ് ഓര്ഡിനേറ്റ് ജഡ്ജ് ആയി സ്ഥാനക്കയറ്റം ലഭിച്ചു. പിന്നീട് 1972-ല് ചീഫ് ജുഡീഷ്യന് മജിസ്ട്രേറ്റ് ആയും 1974-ല് ജില്ലാ സെഷന്സ് ജഡ്ജി ആയി. 1980 ജനുവരിയില് ഇന്കംടാക്സ് അപ്പലേറ്റ് ട്രൈബ്യൂണലില് ജുഡീഷ്യല് അംഗമായി.
1984 ഹൈക്കോടതി ജഡ്ജിയായി നിയമിക്കപ്പെട്ടു. 1984-ല് തന്നെ ഹൈക്കോടതിയിലെ സ്ഥിരം ജഡ്ജിയായി നിയമനം ലഭിച്ചു. 1989 ഏപ്രില് 29-ന് ഹൈക്കോടതിയില് നിന്നും വിരമിച്ചെങ്കിലും 1989 ഒക്ടോബര് 6-ന് സുപ്രീം കോടതിയില് ജഡ്ജിയായി നിമനം ലഭിച്ചു. 1992 ഏപ്രില് 29-നാണ് വിരമിച്ചത്. 1997 മുതല് 2001 വരെയുള്ള കാലയളവിലാണ് തമിഴ്നാട് ഗവര്ണറായി പ്രവര്ത്തിച്ചത്.
കേരള സര്ക്കാര് ഈ വര്ഷം ‘കേരള പ്രഭ’ പുരസ്ക്കാരം നല്കി ഫാത്തിമ ബീവിയെ ആദരിച്ചിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
