വാഷിങ്ടണ്: ജോണ്സണ് & ജോണ്സണിന്റെ ഒറ്റ ഡോസ് കോവിഡ് വാക്സിന് അടിയന്തര ഉപയോഗാത്തിന് എഫ്ഡിഎ അനുമതി നല്കി. വാക്സിന് ഉടന് യുഎസില് ഉപയോഗിച്ചു തുടങ്ങും.
കോവിഡിന്റെ പുതിയ വകഭേദത്തെ ഉള്പ്പെടെ തടയാന് ഫലപ്രദമാണ് ഈ വാക്സിന് എന്നാണ് പഠനം. ഒറ്റ ഡോസ് ആയതിനാല് വാക്സിന് വിതരണം വേഗത്തിലാക്കാന് സാധിക്കും എന്നാണ് പ്രതീക്ഷിക്കുന്നത്.
കോവിഡ് പ്രതിസന്ധിക്ക് അറുതി വരുത്താന് നിര്ണായകമായ മുന്നേറ്റമാണ് ഇതെന്ന് യുഎസ് പ്രസിഡന്റ് ജോ ബൈഡന് പറഞ്ഞു.
ഗുരുതര രോഗമുള്ളവരില് 85.5 ശതമാനമാണ് ജോണ്സണ് & ജോണ്ഡസണിന്റെ ഒറ്റ ഡോസ് വാക്സിന്റെ ഫലപ്രാപ്തി. ആഫ്രിക്കയില് നടത്തിയ പഠനത്തില് 81.7 ശതമാനവും ബ്രസീലില് നടത്തിയ പഠനത്തില് 87.6 ശതമാനവും ഫലപ്രാപ്തി ലഭിച്ചതായി അധികൃതര് വ്യക്തമാക്കി.
കോവിഡിനെ തുടര്ന്ന് 5.10 ലക്ഷം പേരാണ് ഇതുവരെ അമേരിക്കയില് മാത്രം ജീവന് നഷ്ടമായത്. ഇതിന്റെ കൂടി പശ്ചാത്തലത്തിലാണ് മൂന്നാമത്തെ വാക്സിനും അമേരിക്ക അനുമതി നല്കിയിരിക്കുന്നത്.
