ദില്ലി: നെഹ്റു കോളേജ് ചെയര്മാന് കൃഷ്ണദാസിനോട് കേരളത്തില് പ്രവേശിക്കരുതെന്ന് സുപ്രീം കോടിതി. ജിഷ്ണു പ്രണോയുടെ മരണം സംബന്ധിച്ച കേസിലും നെഹ്റു ഗ്രൂപ്പിന് കീഴിലുള്ള ലോ കോളേജ് വിദ്യാര്ത്ഥി ഷഹീര് ഷൗക്കത്തലിയെ മര്ദ്ദിച്ച കേസിലും കൃഷ്ണദാസിന് ജാമ്യം അനുവദിച്ചതിനെതിരെ സംസ്ഥാന സര്ക്കാര് നല്കിയ ഹര്ജിയിലാണ് ഉത്തരവ്.
കൃഷ്ണദാസിനെതിരായ കേസുകള് ഗൗരവമുള്ളതാണെന്നും ഇയാളുടെ ജാമ്യം റദ്ദാക്കണമെന്നും സംസ്ഥാന സര്ക്കാര് കോടതിയില് ആവശ്യപ്പെട്ടു. കേസുകള് ഗൗരവമുള്ളതാണെന്ന് നിരീക്ഷിച്ച കോടതി, ജാമ്യം റദ്ദാക്കുന്നതിന് പകരം സംസ്ഥാനത്ത് പ്രവേശിക്കുന്നതില് നിന്ന് വിലക്കുകയായിരുന്നു.
കൃഷ്ണദാസ് കോയമ്പത്തൂരില് തങ്ങണമെന്നാണ് കോടതിയുടെ ഉത്തരവ്. കേസുകള് അന്വേഷിക്കുന്ന ഉദ്ദ്യോഗസ്ഥര് ആവശ്യപ്പെട്ടാല് മാത്രമേ കേരളത്തിലേക്ക് വരാന് പാടുള്ളൂ.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
