ദില്ലി: ഐഎസ്ആര്ഒ ചാരക്കേസില് അന്വേഷണ ഉദ്യോഗസ്ഥര്ക്കെതിരെ ജുഡീഷ്യല് അന്വേഷണത്തിന് സുപ്രീംകോടതി ഉത്തരവിട്ടു. ഐസ്ആര്ഒ ചാരക്കേസിന് പിന്നിലെ ഗൂഢാലോചന അന്വേഷിക്കണമെന്നും കുറ്റക്കാര്ക്കെതിരെ നടപടി സ്വീകരിക്കണം എന്നും ആവശ്യപ്പെട്ട് ഐഎസ്ആര്ഒ മുന് ശാസ്ത്രജ്ഞനായ നമ്പി നാരായണന് നല്കിയ ഹര്ജിയിലാണ് അന്വേഷണ ഉദ്യോഗസ്ഥര്ക്കെതിരെ ജുഡീഷ്യല് അന്വേഷണത്തിന് ഉത്തരവിട്ടിരിക്കുന്നത്. ഇതിനുപുറമെ നമ്പി നാരായണന് അന്പത് ലക്ഷം രൂപ നഷ്ടപരിഹാരം നല്കാനും സുപ്രീംകോടതി ഉത്തരവിട്ടു.
ചീഫ് ജസ്റ്റിസ് ദീപക് മിശ്ര അധ്യക്ഷനായ മൂന്നംഗ ബെഞ്ചിന്റേതാണ് വിധി. ഉദ്യോഗസ്ഥര്ക്കെതിരെ നടപടിയെടുക്കണമെന്ന അദേഹത്തിന്റെ ആവശ്യം കേരള ഹൈക്കോടതി തള്ളിയിരുന്നു. ഇതെ തുടര്ന്നാണ് നമ്പി നാരായണന് സുപ്രീം കോടതിയില് ഹര്ജി നല്കിയത്. ഇതിലാണ് ഇപ്പോള് വിധി വന്നിരിക്കുന്നത്.
കേസില് നേരത്തെ കേരള ഹൈക്കോടതി നമ്പിനാരായണനെ കുറ്റവിമുക്തനാക്കിയിരുന്നു.
