സംസ്ഥാനത്ത് വരും ദിവസങ്ങളില് മഴ കനക്കും. കേരളത്തില് മേയ് 18 മുതല് 21 വരെയുള്ള തീയതികളില് ഒറ്റപ്പെട്ട ശക്തമായ മഴയ്ക്കും 20ന് ഒറ്റപ്പെട്ട അതി ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെക്കന് അറബിക്കടല്, മാലിദ്വീപ്, കന്യാകുമാരി മേഖല, ആന്ഡമാന് കടല്, ആന്ഡമാന് ദ്വീപ്, തെക്കന് ബംഗാള് ഉള്ക്കടല് എന്നിവയുടെ കൂടുതല് ഭാഗങ്ങളിലും ആന്ഡമാന് ദ്വീപുകള്, ആന്ഡമാന് കടല് എന്നിവയുടെ ശേഷിക്കുന്ന ഭാഗങ്ങളിലും കാലവര്ഷം വ്യാപിച്ചതിന്റെ ഫലമായി കേരളത്തില് മഴ കനക്കുമെന്നാണ് പ്രവചനം. കൂടാതെ അറബിക്കടലില് ന്യൂനമര്ദ്ദ സാധ്യതയും പ്രവചിച്ചിട്ടുണ്ട്.
മധ്യ കിഴക്കന് അറബിക്കടലില് കര്ണാടക തീരത്തിന് മുകളിലായി മെയ് 21-ഓടെ ഉയര്ന്ന ലെവലില് ചക്രവാത ചുഴി രൂപപ്പെട്ട് മെയ് 22-ഓടെ ന്യൂനമര്ദ്ദമായി ശക്തി പ്രാപിക്കും. തുടര്ന്ന് വടക്കു ദിശയില് സഞ്ചരിച്ച് വീണ്ടും ശക്തി പ്രാപിക്കാനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ അറിയിപ്പ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
