തിരുവനന്തപുരം:വോട്ടര് പട്ടികയില് ക്രമക്കേട് ആരോപിച്ച് പ്രതിപക്ഷ നേതാവ് രമേശ് ചെന്നിത്തല.വരാനിരിക്കുന്ന നിയമസഭാ തെരഞ്ഞെടുപ്പില് കളളവോട്ടിനുള്ള വ്യാപകശ്രമമെന്ന് പ്രതിപക്ഷ നേതാവ് രമേശ് ചെന്നിത്തല. 140 മണ്ഡലങ്ങളിലും ഉദ്യോഗസ്ഥരുടെ ഒത്താശയോടെ വ്യാജവോട്ടര്മാരെ ചേര്ത്തിരിക്കുകയാണെന്ന് ചെന്നിത്തല പറഞ്ഞു.
കഴക്കൂട്ടം മണ്ഡലത്തില് 4506 കള്ളവോട്ടര്മാരെ കണ്ടെത്തിയിട്ടുണ്ടെന്നും കൊല്ലം മണ്ഡലത്തില് 2534, തൃക്കരിപ്പൂര് 1436, കൊയിലാണ്ടിയില് 4611, നാദാപുരത്ത് 6171, കൂത്തുപറമ്പില് 3525, അമ്പലപ്പുഴയില് 4750 എന്നിങ്ങനെയാണ് വ്യാജവോട്ടര്മാരുടെ എണ്ണമെന്നും ചെന്നിത്തല പറഞ്ഞു.തെരഞ്ഞെടുപ്പ് അട്ടിമറിക്കാനാണ് ശ്രമമെന്നും സംസ്ഥാനതലത്തില് കള്ളവോട്ട് സൃഷ്ടിക്കാന് ഗൂഢാലോചന നടന്നുവെന്നും അദേഹം പറഞ്ഞു.
ഈ കള്ളവോട്ടുകളെല്ലാം നീക്കം ചെയ്തശേഷം മാത്രമേ തിരഞ്ഞെടുപ്പ് നടത്താവൂ എന്ന് തിരഞ്ഞെടുപ്പു കമ്മീഷനോട് ആവശ്യെപ്പട്ടിരിക്കുകയാണെന്നും രമേശ് ചെന്നിത്തല പറഞ്ഞു.
