തിരുവനന്തപുരം: ഓസ്ട്രേലിയക്കെതിരെ രണ്ടാം ടി20യിലും ഇന്ത്യക്ക് ജയം. തിരുവനന്തപുരം, ഗ്രീന്ഫീല്ഡ് സ്റ്റേഡിയത്തില് 44 റണ്സിന്റെ ജയമാണ് ഇന്ത്യ സ്വന്തമാക്കിയത്. ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില് നാല് വിക്കറ്റ് നഷ്ടത്തില് 235 റണ്സാണ് നേടിയത്.
യഷസ്വി ജെയ്സ്വാള് (53), ഇഷാന് കിഷന് (52), റുതുരാജ് ഗെയ്കവാദ് (58), റിങ്കു സിംഗ് (എട്ട് പന്തില് പുറത്താവാതെ 29) എന്നിവരുടെ ഇന്നിംഗ്സുകളാണ് ഇന്ത്യയെ കൂറ്റന് സ്കോറിലേക്ക് നയിച്ചത്.
മറുപടി ബാറ്റിംഗില് ഓസീസിന് 9 വിക്കറ്റ് നഷ്ടത്തില് 191 റണ്സെടുക്കാനാണ് സാധിച്ചത്. രവി ബിഷ്ണോയിയും പ്രസിദ്ധ് കൃഷ്ണയും മൂന്ന് വിക്കറ്റ് വീതം വീഴ്ത്തി. ജയത്തോടെ അഞ്ച് മത്സരങ്ങളുടെ പരമ്പരയില് ഇന്ത്യ 2 – 0ത്തിന് മുന്നിലെത്തി. ആദ്യ മത്സരം കളിച്ച ടീമില് നിന്ന് മാറ്റമൊന്നുമില്ലാതെയാണ് ഇന്ത്യ ഇറങ്ങിയത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
