ഇന്ത്യയും റഷ്യയും ഇരുണ്ട ചൈനയുടെ പക്ഷത്തെത്തിയെന്ന് യുഎസ് പ്രസിഡന്റ് ഡൊണാള്ഡ് ട്രംപ്. 3 രാജ്യങ്ങള്ക്കും സമ്പദ് സമൃദ്ധി നേരുന്നുവെന്നും ട്രംപ് പരിഹസിച്ചു. ചൈനയിലെ ടിയാന്ജിനില് നടന്ന ഷാങ്ഹായ് കോര്പ്പറേഷന് ഓര്ഗനൈസേഷന് (എസ്സിഒ) ഉച്ചകോടിയില് 3 രാജ്യങ്ങളുടെയും നേതാക്കള് ഒരുമിച്ച് നില്ക്കുന്ന ചിത്രം പങ്കുവെച്ചാണ് ട്രംപിന്റെ ഈ പ്രതികരണം.
‘ഇന്ത്യയെയും റഷ്യയെയും നമ്മള് കൂടുതല് ഇരുണ്ട ചൈനയിലേക്ക് നഷ്ടപ്പെടുത്തിയെന്ന് തോന്നുന്നു. അവര്ക്ക് ദീര്ഘവും സമൃദ്ധവുമായ ഒരു ഭാവി ഉണ്ടാകട്ടെ! എന്ന് ട്രംപ് സോഷ്യല് മീഡിയയില് കുറിച്ചു. നരേന്ദ്ര മോദി, പുടിന്, ഷീ ജിന്പിംഗ് എന്നിവര് ഒരുമിച്ചു നില്ക്കുന്ന ചിത്രം പങ്കുവെച്ചായിരുന്നു ട്രംപിന്റെ ട്രൂത്ത് സോഷ്യല് പോസ്റ്റ്.
ചൈനീസ് പ്രസിഡന്റ് ഷി ജിന്പിംഗ് ആതിഥേയത്വം വഹിച്ച ടിയാന്ജിന് എസ്സിഒ ഉച്ചകോടിയില് പ്രധാനമന്ത്രി നരേന്ദ്ര മോദിയും റഷ്യന് പ്രസിഡന്റ് വ്ളാഡിമിര് പുടിനും ഉള്പ്പെടെ നിരവധി ലോക നേതാക്കള് പങ്കെടുത്തിരുന്നു. കഴിഞ്ഞ മാസം ട്രംപ് ഭരണകൂടം ഇന്ത്യക്ക് മേല് 50 ശതമാനം താരിഫ് ഏര്പ്പെടുത്തിയതിനെ തുടര്ന്ന് ഇന്ത്യയും അമേരിക്കയും തമ്മിലുള്ള ഉഭയകക്ഷി ബന്ധം വര്ഷങ്ങളിലെ ഏറ്റവും മോശം അവസ്ഥയിലാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
