കോട്ടയം: ഷാജന് സ്കറിയയുടെ പരാതിയില് പി.വി. അന്വര് എം.എല്.എക്കെതിരെ കേസെടുത്ത് പോലീസ്. സമൂഹിക മാധ്യങ്ങളിലൂടെ അപകീര്ത്തിപ്പെടുത്തിയെന്ന പരാതിയിലാണു കേസ്. എരുമേലി പോലീസാണ് എം.എല്.എയ്ക്കെതിരെ കേസെടുത്തിരിക്കുന്നത്.
മറുനാടന് മലയാളി യൂട്യൂബ് ചാനലിലൂടെ സംപ്രേക്ഷണം ചെയ്ത വാര്ത്തകള് പി.വി. അന്വര് എഡിറ്റ് ചെയ്ത് മതസ്പര്ദ്ധയുണ്ടാക്കുന്ന വിധം പ്രചരിപ്പിച്ചെന്ന് പരാതിയില് പറയുന്നു.
അന്വറിനെക്കുറിച്ച് വാര്ത്തകള് പ്രസിദ്ധീകരിക്കുന്നതിലുള്ള വിരോധം കാരണം ഷാജന് സ്കറിയയുടെ ചാനലിലെ 15-9-2021ലെ 11.56 മിനിറ്റ് ദൈര്ഘ്യമുള്ള വാര്ത്താ വീഡിയോയിലെ 32 സെക്കന്റ് ദൈര്ഘ്യമുള്ള ഭാഗവും, 29-5-2021ലെ വാര്ത്താ വീഡിയോയിലെ ഏഴ് സെക്കന്റ് ദൈര്ഘ്യമുള്ള ഭാഗവും, 13-8-2022 തീയതിയിലെ വാര്ത്താ വീഡിയോയിലെ 43 സെക്കന്റ് ദൈര്ഘ്യമുള്ള ഭാഗവും 29-5-2023 തീയതിയിലെ വാര്ത്താവീഡിയോയിലെ ആറ് സെക്കന്റ് ദൈര്ഘ്യമുള്ള ദ്യശ്യവും പകര്ത്തിയെടുത്ത് സംയോജിപ്പിച്ച് ക്യത്രിമമായി തയ്യാറാക്കി ഫെയ്സ്ബുക്ക് പേജിലൂടെ എം.എല്.എ. പ്രചരിപ്പിച്ചുവെന്നാണു പരാതി. ഇത് സമൂഹത്തിലെ വിവിധ മതവിഭാഗങ്ങള്ക്കിടയില് മതസ്പര്ധയുണ്ടാക്കി ലഹളയുണ്ടാക്കണമെന്ന ഉദ്ദേശത്തോടെയാണ് ചെയ്തതെന്ന് പരാതിയില് ആരോപിക്കുന്നു.
പരാതി നല്കിയിട്ടും കേസെടുക്കാത്തതിനെത്തുടര്ന്ന് ഷാജന് സ്കറിയ കോടതിയെ സമീപിച്ചിരുന്നു. ഇതിന് പിന്നാലെയുണ്ടായ കോടതി നിര്ദേശപ്രകാരമാണ് ഇപ്പോള് പോലീസ് കേസെടുത്തിരിക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
