തിരുവനന്തപുരം മുതല് കാസര്ഗോഡ് വരെ അതിവേഗ റെയില് പദ്ധതിയുമായി വീണ്ടും സംസ്ഥാന സര്ക്കാര്. 583 കിലോമീറ്റര് നീളത്തില് റീജണല് റാപിഡ് ട്രാന്സിറ്റ് സിസ്റ്റം പദ്ധതി നടപ്പാക്കാന് മന്ത്രിസഭാ യോഗം തത്വത്തില് അംഗീകാരം നല്കി. പദ്ധതിക്കായി സംസ്ഥാനത്തിന്റെ താല്പര്യം അറിയിച്ച് കേന്ദ്ര സര്ക്കാരിന് കത്തയയ്ക്കും.
കേന്ദ്രസര്ക്കാരില് നിന്ന് അനുമതി ലഭിച്ചതിന് ശേഷം ധാരാണാ പത്രത്തില് ഏര്പ്പെടും. ഇത് സംബന്ധിച്ച കൂടിയാലോചനകള് ആരംഭിക്കാന് ഗതാഗത വകുപ്പിനെ മന്ത്രിസഭ ചുമതലപ്പെടുത്തി. ആര്.ആര്.ടി.എസ് (റീജിയണല് റാപിഡ് ട്രാന്സിറ്റ് സിസ്റ്റം) പ്രായോഗികവും സാമൂഹികവുമായി അംഗീകരിക്കാവുന്ന അതിവേഗ റെയില്വേ സംവിധാനമാണ്. ഡല്ഹി – മിററ്റ് ആര്.ആര്.ടി.എസ് കോറിഡോര് വിജയകരമായി നടപ്പാക്കിയിട്ടുണ്ട്.
മണിക്കൂറില് 160 – 180 കിലോമീറ്റര് വരെ വേഗം, കുറഞ്ഞ സ്റ്റേഷന് ഇടവേള, ഉയര്ന്ന യാത്രാ ശേഷി എന്നിവ ആര്.ആര്.ടി.എസ് നെ കേരളത്തിനും അനുയോജ്യമാക്കുന്നു. ഇതിനു പുറമെ മീററ്റ് മെട്രോ എന്നത് ആര് ആര്.ടി.എസുമായി സംയോജിപ്പിച്ചാണ് പ്രവര്ത്തിക്കുന്നത്.
എന്.സി.ആര്.ടി.സി (നാഷണല് ക്യാപിറ്റല് റീജിയന് ട്രാന്സ്പോര്ട് കോര്പറേഷന്) വഴി ഡല്ഹി – എന്.സി.ആര് മേഖലയില് നടപ്പിലാക്കുന്ന ആര്.ആര്.ടി.എസ് പദ്ധതി ഡല്ഹി – എന്.സി.ആര് പരിധിക്ക് പുറത്തേക്കും പരിഗണിക്കാമെന്ന അനുകൂല നിലപാട് കേന്ദ്ര ഭവന നഗരകാര്യ മന്ത്രാലയം സ്വീകരിച്ചിട്ടുണ്ട്. ഡി.പി.ആര് സമര്പ്പിക്കപ്പെടുന്ന പക്ഷം, കേരളത്തിലെ ആര്്ആര്.ടി.എസ് പദ്ധതിയും ഗൗരവമായി പരിഗണിക്കാമെന്ന് കേന്ദ്ര മന്ത്രി കേരള സന്ദര്ശന വേളയില് അറിയിച്ചിട്ടുണ്ട്. ഈ പശ്ചാത്തലത്തിലാണ് കേരളത്തിനായി അതിവേഗ റെയില്വേ സംവിധാനമായ ആര്.ആര്.ടി.എസ് നടപ്പിലാക്കാന് ഉദ്ദേശിക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
