തിരുവനന്തപുരം: മതവിദ്വേഷ പ്രസംഗക്കേസില് അറസ്റ്റിലായി പിന്നീട് ജാമ്യത്തിലിറങ്ങിയ മുന് എംഎല്എ പി സി ജോര്ജിന് വീണ്ടും നോട്ടീസ് നല്കും. ജാമ്യം റദ്ദാക്കാന് ഹൈക്കോടതിയെ പോലീസ് സമീപിച്ചേക്കില്ല. തിങ്കളാഴ്ച ഹാജരാകണമെന്ന് ആവശ്യപ്പെട്ടാണ് നോട്ടീസ് നല്കുക.
കഴിഞ്ഞ ഞായറാഴ്ച ഹാജരാകാന് ഫോര്ട്ട് പൊലീസ് പി സി ജോര്ജിന് നോട്ടീസ് നല്കിയിരുന്നു. എന്നാല്, പൊലീസിന് മുന്നില് ഹാജരാകാതെ ജോര്ജ് ത്യക്കാക്കരയില് പ്രചാരണത്തിന് പോകുകയായിരുന്നു. ജാമ്യ ഉപാധികള് ലംഘിച്ചത് ചൂണ്ടികാട്ടി ഹൈക്കോടതിയെ സമീപിക്കണ്ടെന്നാണ് പൊലീസിന്റെ തീരുമാനം.
അന്വേഷണ ഉദ്യോഗസ്ഥര് ആവശ്യപ്പെടുന്ന ഘട്ടത്തില് ഹാജരാകണം എന്നതടക്കമുള്ള ഉപാധികളോടെയാണ് ഹൈക്കോടതി പി.സി.ജോര്ജിന് ജാമ്യം അനുവദിച്ചിരുന്നത്. എന്നാല് തൃക്കാക്കരയിലേക്ക് താന് പ്രചാരണത്തിനായി പോവുകയാണെന്നും കൊച്ചിയില് പോയി, ചോദ്യം ചെയ്യലിനായി തിരുവനന്തപുരത്തേക്ക് എത്താനാവില്ലെന്നും പിസി ജോര്ജ് മറുപടി നല്കുകയായിരുന്നു.
