HIGHLIGHTS : Governor and Chief Minister wished Easter
ലോകമെമ്പാടുമുള്ള കേരളീയര്ക്ക് ഗവര്ണര് ആരിഫ് മുഹമ്മദ് ഖാന് ഈസ്റ്റര് ആശംസകള് നേര്ന്നു. ക്രിസ്തുദേവന്റെ ഉയിര്ത്തെഴുന്നേല്പ്പിനെ വാഴ്ത്തുന്ന ഈസ്റ്റര് സ്നേഹവും ക്ഷമാശീലവും കൊണ്ട് ജനമനസ്സുകളെ സമ്പന്നമാക്കട്ടെ എന്ന് ഗവര്ണര് ആശംസിച്ചു. ആഘോഷം എന്നതിലുപരിയായി അവശരെയും ദരിദ്രരെയും ഒരുമയോടെ സേവിക്കാനുള്ള ആത്മാര്പ്പണത്തിനുള്ള പ്രചോദനമാകട്ടെ ഈസ്റ്റര് എന്ന് ഗവര്ണര് സന്ദേശത്തില് പറഞ്ഞു.
പ്രതിബന്ധങ്ങളെയും അടിച്ചമര്ത്തലുകളെയും അതിജീവിച്ച് സ്നേഹത്തിന്റെയും കരുണയുടെയും മൂല്യങ്ങള് ശക്തിയോടെ ശോഭിക്കുമെന്ന പ്രത്യാശയുടെ സന്ദേശമാണ് ഈസ്റ്റര് മുന്നോട്ടു വെക്കുന്നതെന്ന് മുഖ്യമന്ത്രി പിണറായി വിജയന് ഈസ്റ്റര് സന്ദേശത്തില് പറഞ്ഞു. കൂടുതല് മെച്ചപ്പെട്ടൊരു ലോകം പണിതുയര്ത്താന് എല്ലാം ത്യജിച്ച യേശുവിന്റെ സ്മരണയാണ് ഈസ്റ്ററിന്റെ കാതല്.മത വിദ്വേഷവും വംശീയതയും പറഞ്ഞു മനുഷ്യരെ ഭിന്നിപ്പിക്കാന് ശ്രമിക്കുന്ന പ്രതിലോമ ശക്തികളുടെ വെല്ലുവിളികളെ മറികടന്ന് ഒരു നല്ല നാളേക്കായി നാം ഒരുമിച്ചു മുന്നേറേണ്ടതുണ്ട്. ഈ മുന്നേറ്റത്തിന് ഈസ്റ്റര് ദിനാഘോഷങ്ങള് കരുത്തു പകരുമെന്നും മുഖ്യമന്ത്രി ആശംസിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു