HIGHLIGHTS : തിരുവനന്തപുരം 50 വര്‍ഷം മുന്‍പ് തിരുനെല്ലി കാട്ടില്‍ പോലീസ് വെടിവെച്ച് കൊന്ന നക്‌സല്‍ നേതാവ് വര്‍ഗ്ഗീസിന്റെ കുടംബത്തിന് നഷ്ടപരിഹാരം നല്‍കാന്‍ മന്ത്...
തിരുവനന്തപുരം 50 വര്‍ഷം മുന്‍പ് തിരുനെല്ലി കാട്ടില്‍ പോലീസ് വെടിവെച്ച് കൊന്ന നക്‌സല്‍ നേതാവ് വര്‍ഗ്ഗീസിന്റെ കുടംബത്തിന് നഷ്ടപരിഹാരം നല്‍കാന്‍ മന്ത്രിസഭായോഗം തീരുമാനിച്ചു.
വര്‍ഗീസിന്റെ സഹോദരങ്ങളായ മറിയക്കുട്ടി, അന്നമ്മ, എ.തോമസ്, എ.ജോസഫ് എന്നിവര്‍ക്കാണ് സെക്രട്ടറിതല സമിതി ശുപാര്‍ശ ചെയ്ത 50 ലക്ഷം രൂപ നഷ്ടപരിഹാരമായി ലഭിക്കുക. 1970 ഫെബ്രുവരി 18-നാണ് വര്‍ഗീസ് കൊല്ലപ്പെട്ടത്.
വര്‍ഗീസിനെ പോലീസ് കൊലപ്പെടുത്തിയതാണെന്ന് തെളിഞ്ഞതിനെ തുടര്‍ന്ന് ബന്ധുക്കള്‍ നഷ്ടപരിഹാരത്തിന് ഹൈക്കോടതിയെ സമീപിച്ചിരുന്നു. സര്‍ക്കാരിന് ഇത് സംബന്ധിച്ച് നിവേദനം നല്‍കാനായിരുന്നു ഹൈക്കോടതി നിര്‍ദേശിച്ചത്. തുടര്‍ന്ന് സഹോദരങ്ങള്‍ നല്‍കിയ നിവേദനം പരിശോധിച്ചാണ് നഷ്ടപരിഹാരം നിശ്ചയിച്ചത്.
